వూల్ఫ్ టీజర్ లో భయపెడుతున్న అనసూయ గెటప్
ప్రభుదేవా హీరోగా వస్తున్న వూల్ఫ్(Wolf) సినిమాపై నిన్న ట్రోలింగ్ జరిగిన సంగతి తెలిసిందే. వూల్ఫ్ పేరును తెలుగులో వుల్ఫగా రాయడంతో విపరీతంగా ట్రోలింగ్ జరిగింది. ప్రస్తుతం వూల్ఫ్ టీజర్ రిలీజైంది. సూపర్ నేచురల్ కథాంశంతో రూపొందిన వూల్ఫ్ సినిమా టీజర్ విచిత్రంగా ఉంది. విభిన్నమైన కథాంశం, విభిన్నమైన గెటప్పులో ఆర్టిస్టులు అంతా వైవిధ్యంగా కనిపించారు. ముఖ్యంగా యాంకర్ అనసూయ గెటప్ చూసి అందరూ అవాక్కవుతున్నారు. ఇంతవరకూ ఏ సినిమాలోనూ కనిపించని గెటప్ లో అనసూయ కనిపించింది. చూస్తుంటే మంత్రగత్తె పాత్రలో అనసూయ కనిపించినట్టు అర్థమవుతోంది.
నాలుగు భాషల్లో రిలీజ్ అవుతున్న సినిమా
సూపర్ నేచురల్ కథాంశంతో కొత్త ప్రపంచంలోకి తీసుకెళ్తున్నట్టుగా టీజర్ ఉంది. ఈ మధ్య హార్రర్ సినిమాలకు, సూపర్ నేచురల్ సినిమాలకు తెలుగులో మంచి మార్కెట్ జరుగుతోంది. ఆ అవకాశాన్ని వూల్ఫ్ ఉపయోగించుకుంటుందేమో చూడాలి. రాయ్ లక్ష్మీ, వశిష్ట ఎన్, అంజు కురియన్, రమేష్ తిలక్ నటిస్తున్న ఈ సినిమాను విను వెంకటేష్ డైరెక్ట్ చేశారు. సందేష్ ఎన్ నిర్మాతగా వ్యవహరిస్తున్న ఈ సినిమాకు సంగీతాన్ని అమ్రిష్ అందించారు. తెలుగు, తమిళం, కన్నడ, హిందీ భాషల్లో ఈ చిత్రాన్ని రిలీజ్ చేస్తున్నారు.
