AndhraPradesh: కర్నూలులో దారుణం.. విద్యుదాఘాతానికి గురైన 13 మంది చిన్నారులు
ఆంధ్రప్రదేశ్‌లోని కర్నూలు జిల్లా చిన్న టేకూరు గ్రామంలో ఉగాది ఉత్సవ వేడుకల్లో పాల్గొన్న 13మంది చిన్నారులు విద్యుదాఘాతానికి గురై కాలిన గాయాలైనట్లు పోలీసులు తెలిపారు. క్షతగాత్రులందరికి చికిత్స అందిస్తున్నారు.గురువారం ఆంజనేయ స్వామి ఆలయం నుంచి ప్రభ రథోత్సవం జరుగుతుండగా ఈ ఘటన చోటుచేసుకుంది. నివేదికల ప్రకారం,రథం విద్యుత్ తీగలకు తాకింది.దీని వలన సమీపంలో నిలబడి ఉన్న వారికి గాయాలయ్యాయి. గాయపడిన చిన్నారులను వైద్య చికిత్స నిమిత్తం కర్నూలు ఆస్పత్రికి తరలించేందుకు సత్వర చర్యలు చేపట్టామని పోలీసులు తెలిపారు. పాణ్యం ఎమ్మెల్యే కాటసాని రాంభూపాల్‌రెడ్డి,నంద్యాల తెలుగుదేశం పార్టీ అభ్యర్థి బైరెడ్డి శబరి ఆసుపత్రిని సందర్శించి క్షతగాత్రులను పరామర్శించి వారికి సరైన వైద్యం అందేలా చూశారు. చిన్నారుల ప్రాణాలకు తక్షణ ముప్పు లేదని వైద్యులు ధృవీకరించారు.
