Road Accident: అనంతపురం జిల్లాలో లారీని ఢీకొన్న కారు.. ఆరుగురు స్పాట్ డెడ్
ఆంధ్రప్రదేశ్ లోని అనంతపురం జిల్లాలో శనివారం మధ్యాహ్నం ఘోర రోడ్డు ప్రమాదం చోటు చేసుకుంది. శింగనమల మండలం నాయనపల్లి క్రాస్‌ వద్ద ఓ కారు టైరు పగిలి అదుపుతప్పి ఎదురుగా వస్తున్న లారీని వేగంగా ఢీకొట్టింది. ఈ ఘటనలో కారు పూర్తిగా ధ్వంసమైంది. అందులో ప్రయాణిస్తున్న ఆరుగురు దురదృష్టవశాత్తూ అక్కడికక్కడే మృతి చెందారు. మృతులంతా అనంతపురం నుంచి తాడిపత్రిలో నిర్వహించిన నగర కీర్తన వేడుకలో పాల్గొని తిరుగు వస్తుండగా ఈ పెను విషాదం జరిగింది. ప్రమాదానికి గురైన వారు అనంతపురానికి చెందిన భక్తులుగా గుర్తించారు.
