Ajit Pawar: కాంగ్రెస్,బీజేపీ ప్రభుత్వాల్లో డిప్యూటీ సీఎంగా అజిత్ పవార్..
ఈ వార్తాకథనం ఏంటి
మహారాష్ట్రలో ఘోర విమాన ప్రమాదం సంభవించింది. బారామతి ఎయిర్పోర్ట్ సమీపంలో ఎన్సీపీ నాయకుడు, డిప్యూటీ ముఖ్యమంత్రి అజిత్ పవార్ (66) ప్రయాణిస్తున్న చార్టెడ్ ఫ్లైట్ క్రాష్ ల్యాండ్ అయ్యింది. ఈ ప్రమాదంలో అజిత్ పవార్తో సహా ఆరుగురు మరణించినట్లు డీజీసీఏ అధికారికంగా వెల్లడించింది. ఈ ఉదయం (జనవరి 28) బారామతి నియోజకవర్గంలో జరగాల్సిన బహిరంగ సభలో అజిత్ పవార్ హాజరు కావాల్సి ఉన్నప్పటికీ, అనూహ్యంగా ఆయన ప్రయాణిస్తున్న విమానం ప్రమాదానికి గురయింది. విమానం కూలిన వెంటనే పెద్ద ఎత్తున మంటలు చెలరేగాయి. అధికారుల వివరాల ప్రకారం, అజిత్ పవార్ సహా ఆయన వ్యక్తిగత సిబ్బంది ఆరుగురు విమానంలో ఉన్నారు.
వివరాలు
సుదీర్ఘకాలం డిప్యూటీ సీఎంగా అజిత్ పవార్
ఈ ఘటన స్థలం నుంచి మృతదేహాలను ఆస్పత్రికి తరలించారు. ఈ ఘటన గురించి సమాచారం అందగానే,డిప్యూటీ సీఎం అజిత్ పవార్ భార్య సునేత్ర, సోదరి సుప్రియా సూలే తక్షణం బారామతికి బయల్దేరారు. అజిత్ పవార్ సుదీర్ఘకాలం డిప్యూటీ సీఎంగా సేవలందించారు. ఆయన పృథ్వీరాజ్ చవాన్ (కాంగ్రెస్-NCP), దేవేంద్ర ఫడ్నవీస్ (NDA-2 సార్లు), ఉద్ధవ్ థాక్రే (MVA), ఏక్నాథ్ షిండే (NDA) ప్రభుత్వాల్లో డిప్యూటీగా కొనసాగారు. శరద్ పవార్ అన్న కొడుకైన అజిత్, బారామతి నియోజకవర్గం నుంచి 1991లో తొలిసారి లోక్సభకు ఎన్నికయ్యారు. బారామతి అసెంబ్లీ సీటు నుంచి 7 సార్లు ఎమ్మెల్యేగా గెలిచారు. ప్రస్తుతంలో, మహారాష్ట్ర డిప్యూటీ ముఖ్యమంత్రి గా ఆర్థిక, ప్రణాళిక, క్రీడల, మైనారిటీ అభివృద్ధి శాఖలను అజిత్ పవార్ నిర్వహిస్తున్నారు.