Hyderabad: క్యాడ్‌బరీ చాక్లెట్‌లో పురుగు.. వీడియో వైరల్
క్యాడ్‌బరీ డైరీ మిల్క్ చాక్లెట్ బార్‌ (Cadbury Dairy Milk chocolate bar)లో పురుగును కనపడటంతో అది కొనుగోలు చేసిన వక్తి ఖంగుతిన్నాడు. హైదరాబాద్ మెట్రో స్టేషన్‌లోని దుకాణంలో కొనుగోలు చేసిన చాక్లెట్ బార్‌ పురుగు దర్శనమిచ్చింది. ఆ చాక్లెట్‌పై పురుగుతు కదులుతున్న దృశ్యాన్ని వీడియో తీసి.. వినియోగదారుడు రాబిన్ జాచెయస్ ట్విట్టర్‌లో పోస్ట్ చేశాడు. అమీర్‌పేట్ మెట్రో స్టేషన్‌లోని రత్నదీప్ రిటైల్ స్టోర్ నుంచి తాను చాక్లెట్ బార్‌ కొనుగోలు చేసినట్లు ఆ వ్యక్తి పేర్కొన్నాడు. ఈ వీడియో వైరల్ కావడంతో క్యాడ్‌బరీ కంపెనీ స్పందించింది. రాబిన్ జాచెయస్‌కు క్షమాపణలు చెప్పింది. అనంతరం జీహెచ్‌ఎంసీ కూడా ఆ పోస్టుకు సమాధానమిచ్చి, ఫుడ్‌ సేఫ్టీ టీమ్‌ను అప్రమత్తం చేశామని పేర్కొంది.
