Ap Aadhaar Camps: ఏపీ ప్రభుత్వం సంచలన నిర్ణయం.. చిన్నారులకు ప్రత్యేక ఆధార్ క్యాంపులు
ఈ వార్తాకథనం ఏంటి
ఆంధ్రప్రదేశ్'లో పిల్లలకు ఆధార్ కార్డుల జారీ ప్రక్రియకు రంగం సిద్ధం చేస్తున్నారు.
రాష్ట్రంలో 0 నుండి 6 సంవత్సరాల వయస్సు గల పిల్లల కోసం ఆధార్ నమోదు కోసం ప్రత్యేక క్యాంపులను రాష్ట్రవ్యాప్తంగా నిర్వహించడానికి ఏర్పాట్లు చేసేందుకు గ్రామ, వార్డు సచివాలయాల శాఖ చర్యలు తీసుకుంటోంది.
ఈ మేరకు, ప్రభుత్వ శాఖ డైరెక్టర్ శివప్రసాద్ సోమవారం అన్ని జిల్లాల కలెక్టర్లకు ఉత్తర్వులు జారీ చేశారు.
రాష్ట్రంలో మొత్తం 11,65,264 మంది చిన్నారులు ఉన్నారు. అందులో నేటి వరకూ 9,80,575 మంది చిన్నారులు ఆధార్ నమోదు చేయించుకోలేదు.
వివరాలు
రెండు విడతలలో ఆధార్ నమోదు
ఈ ప్రత్యేక క్యాంపులు రెండు విడతలలో నిర్వహించబడతాయి. మొదటి విడత క్యాంపులు జనవరి 21 నుండి 24 వరకు నిర్వహించనున్నారు.
ఈ క్యాంపులలో, పూర్వ విద్యార్థులు, అంగన్‌వాడీ సెంటర్లు, సచివాలయాలు, పోస్టాఫీసులు, సి.ఎస్.సి కేంద్రాలు ఆధార్ నమోదుకు సౌకర్యం అందించనున్నాయి.
ప్రత్యేక క్యాంపుల నిర్వహణ
ఈ క్యాంపులు గ్రామ, వార్డు సచివాలయాల డిపార్ట్‌మెంట్, ఆధార్ ఆపరేటర్లతో సమన్వయంగా నిర్వహించబడతాయి.
రాష్ట్ర గ్రామ సచివాలయ డిపార్ట్‌మెంట్ డైరెక్టర్ ఎం. శివప్రసాద్, జిల్లా కలెక్టర్లకు, ఇతర సచివాలయ అధికారులకు లేఖ రాసారు.
జనవరి 24 వరకు నాలుగు రోజుల పాటు క్యాంపులు నిర్వహించాలని సూచించారు.
వివరాలు
రెండవ విడత క్యాంపులు
రెండవ విడత క్యాంపులు జనవరి 27 నుండి 30 వరకు నాలుగు రోజుల పాటు నిర్వహించబడతాయి.
మండల పరిషత్ అభివృద్ధి అధికారులు (ఎంపీడీవోలు) మరియు మున్సిపల్ కమిషనర్లు ఈ క్యాంపులను సజావుగా నిర్వహించేందుకు చర్యలు చేపట్టాలని సూచించారు.
ముఖ్యమైన సూచనలు
చిన్నారుల ఆధార్ నమోదుకు పుట్టిన తేదీ సర్టిఫికేట్, క్యూర్ కోడ్‌ను తీసుకెళ్లాలి.
దరఖాస్తు ఫారం ఉండాలి.
పిల్లలను తల్లి లేదా తండ్రే క్యాంపుకు తీసుకెళ్లాలి.
ఇతరులు పిల్లలను క్యాంపుకు తీసుకెళ్లడానికి అనుమతి లేదు.
తల్లి లేదా తండ్రి ఆధార్ కార్డును తప్పనిసరిగా తీసుకెళ్లాలి.
చిన్నారుల ఆధార్ నమోదు ఉచితంగా, ఎటువంటి రుసుము లేదు.
ఈ చర్యలు అన్ని జిల్లాలలో సమగ్రంగా అమలు చేయాలని ప్రభుత్వం విజ్ఞప్తి చేసింది.