సినీనటుడు తారకరత్న కన్నుమూత- విషాదంలో నందమూరి కుటుంబం
ఈ వార్తాకథనం ఏంటి
సినీనటుడు నందమూరి తారకరత్న శనివారం కన్నుమూశారు. గుండెపోటుతో కొన్నిరోజులుగా బెంగళూరులోని నారాయణ హృదయాలయ ఆస్పత్రిలో చికిత్స పొందుతున్న ఆయన శివైక్యం చెందారు.
శనివారం పరిస్థితి విషమించగా, ప్రాణాలు కాపాడేందుకు వైద్యులు ఎంత ప్రయత్నించినా ఫలితం లేకపోవడంతో తారకరత్న మృతి చెందినట్లు ఆస్పత్రి యాజమాన్యం అధికారికంగా ధృవీకరించింది.
కుటుంబ సభ్యులు తారకరత్న మృతదేహాన్ని హైదరాబాద్‌కు తరలించేందుకు ఏర్పాట్లు చేస్తున్నారు.
తారకరత్న మృతి అటు నందమూరి కుటంబంతో పాటు ఇటు టీడీపీ శ్రేణుల్లో తీవ్ర విషాధాన్ని నింపింది.
తారకరత్న
23రోజుల పాటు ప్రాణాలతో పోరాడిన తారకరత్న
జనవరి 27న కుప్పంలో టీడీపీ జాతీయ ప్రధాన కార్యదర్శి నారా లోకేశ్ 'యువ‌గళం' పేరుతో నిర్వహిస్తున్న పాదయాత్రలో తారకరత్న గుండెపోటుతో కుప్పకూలారు.
తారకరత్నను టీడీపీ నాయకులు వెంటనే స్థానిక ఆస్పత్రికి తరలించారు. అక్కడ ప్రాథమిక చికిత్స అందించిన అనంతరం బెంగళూరులోని నారాయణ హృదయాలయ ఆస్పత్రికి తరలించారు.
గుండెలో ఎడమవైపు 90శాతం బ్లాక్ అయ్యిందని దాని వల్ల ఆర్గాన్స్ ఫెయిల్ కావడం వల్ల పరిస్థితి విషమించినట్లు వైద్యలు చెప్పారు. 23రోజుల ప్రాణాలతో పోరాడిన శనివారం శివైక్యం చెందారు.
నందమూరి కుటుంబ సభ్యులు ఇప్పటికే బెంగళూరులోని నారాయణ హృదయాలయ ఆస్పత్రికి చేరుకున్నారు.
నందమూరి బాలయ్య తారకరత్న మృతదేహాన్ని హైదరాబాద్‌కు తరలించేందుకు ఏర్పాట్లు చేస్తున్నారు.