తదుపరి వార్తా కథనం
ఇక కోర్టులోనే పోరాటం; ఆందోళన విరమించిన రెజ్లర్లు
వ్రాసిన వారు
Stalin
Jun 26, 2023
11:47 am
ఈ వార్తాకథనం ఏంటి
రెజ్లింగ్ ఫెడరేషన్ ఆఫ్ ఇండియా(డబ్ల్యూఎఫ్‌ఐ) చీఫ్ బ్రిజ్ భూషణ్ శరణ్ సింగ్‌పై లైంగిక వేధింపుల ఆరోపణలు చేసిన భారత అగ్రశ్రేణి రెజ్లర్లు ఈ వ్యవహారాన్ని ఇక కోర్టులోనే తేల్చుకోవాలని నిర్ణయించారు. ఈ క్రమంలో ఆందోళలను విరమిస్తున్నట్లు ప్రకటించారు.
అగ్రశ్రేణి క్రీడాకారిణి సాక్షి మాలిక్ ట్విట్టర్‌లో ఈ విషయాన్ని ప్రకటించారు. కోర్టులో పోరాటం కొనసాగుతుందని ఆమె అన్నారు.
బ్రిజ్ భూషణ్ సింగ్‌పై చర్యలు తీసుకోవాలని దాదాపు 5నెలల క్రితం రెజ్లర్లు పోరాటాన్ని ప్రారంభించారు.
జూన్ 15న జరిగిన రెజ్లర్ల సమావేశంలో బ్రిజ్ భూషణ్ సింగ్‌పై చార్జ్ షీట్ దాఖలు చేస్తామని కేంద్రం హామీ ఇచ్చింది.
ఈ మేరకు కోర్టులో చార్జ్ షీట్ దాఖలు చేసినందున నిరసనను విరమించాలని రెజ్లర్లు నిర్ణయించుకున్నారని సాక్షి తెలిపారు.