Dasara Liquor Sales: 8 రోజుల్లో రూ.852.38 కోట్ల విలువైన మద్యాన్ని తాగేశారు.. మద్యం అమ్మకాల్లో ఆల్‌టైం రికార్డు
ఈ వార్తాకథనం ఏంటి
తెలంగాణలో దసరా సీజన్‌లో మద్యం అమ్మకాలు రికార్డు స్థాయిలో పెరిగాయి. ఈ నేపథ్యంలో దాదాపు ప్రతి ఇంట్లో మటన్, మద్యం ఉండడం అనివార్యంగా మారింది.
సాంప్రదాయంగా, ఈ పండుగ సమయంలో మందు లేకుండా బండ్ల పండుగ జరగడం కష్టం, అందువల్ల దసరా సందర్భంగా మద్యం విక్రయాలు భారీగా పెరిగాయి.
గత ఐదు రోజుల్లో మద్యం విక్రయాలు సాధారణ రోజులతో పోలిస్తే 25 శాతం పెరగడం విశేషం. గతేడాది దసరాతో పోలిస్తే, ఈ ఐదు రోజుల్లో మద్యం అమ్మకాలు 15 శాతం వృద్ధి చెందాయన్నారు.
Details
దసరా సందర్భంగా జోరుగా అమ్మకాలు
రాష్ట్రంలో రోజుకు సగటున రూ.124 కోట్ల విలువైన మద్యం విక్రయాలు జరుగుతున్నాయని అధికారులు స్పష్టం చేశారు.
ప్రత్యేకంగా ఈ నెల 10న రూ.139 కోట్ల విలువైన మద్యం డిపోల నుండి వైన్‌షాపులకు తరలించినట్లు తెలుస్తోంది.
ఒకే రోజు 2.35 లక్షల బీర్లు వైన్‌షాపులకు చేరాయి. ఏడాది కాలంలో ఇలాంటి స్థాయిలో బీరు అమ్మకాలు జరగడం రికార్డుగా చెబుతున్నారు.
వాస్తవానికి సగటున రోజుకు రూ.100 కోట్ల మద్యం విక్రయాలు జరుగుతున్నాయి. దసరా పండుగ సందర్భంగా ఈ అమ్మకాలు మరింత పెరిగాయి.
ఐదు రోజుల సగటున రోజుకు 1.20 లక్షల కేసుల మద్యం, 2 లక్షల కేసుల బీరు విక్రయాలు జరిగినట్లు గణాంకాలు చెబుతున్నాయి.
Details
గతేడాదితో పోలిస్తే 6.55శాతం ఎక్కువ
ఈ నెల 1 నుండి గణాంకాలను పరిశీలిస్తే, 8 రోజుల్లో రూ.852.38 కోట్ల మద్యం విక్రయాలు జరిగాయి.
ఇందులో 8.37 లక్షల మద్యం కేసులు, 14.53 లక్షల కేసుల బీర్లు ఉన్నాయి.
గతేడాది అక్టోబర్ 1 నుండి 10వ తేదీ వరకు రూ.800 కోట్ల మద్యం అమ్మకాలు జరిగాయి. గతేడాదితో పోలిస్తే పది రోజుల్లో 6.55 శాతం మందుబాబులు పెరిగినట్లు ఈ గణాంకాలు చూపిస్తున్నాయి