తెలంగాణ:ఎర్రబెల్లి సంతకం ఫోర్జరీ.. కటకటాల్లోకి నిందితులు
డబుల్ బెడ్రూమ్ ఇండ్లు కేటాయించాలంటూ సాక్షాత్తు తెలంగాణ మంత్రి ఎర్రబెల్లి దయాకర్ రావు సంతకాన్ని ఫోర్జరీ చేశారు ఇద్దరు ప్రభుద్దులు. వివరాల్లోకి వెళితే.. సంగారెడ్డి జిల్లాకి నర్రెగూడం గ్రామానికి చెందిన గౌస్ పాషా, గుంటి శేఖర్ లు మంత్రి లెటర్ హెడ్ తయారు చేసి అందులో డబుల్ బెడ్రూమ్ ఇళ్లను కేటాయించాలంటూ ఎర్రబెల్లి సంతకాన్ని ఫోర్జరీ చేశారు. ఈ సిఫార్సు లేఖలను సంగారెడ్డి జిల్లా కలెక్టర్ కు అందించారు.అనుమానం వచ్చిన అధికారులు ఈ విషయాన్ని ఎర్రబెల్లి దృష్టికి తీసుకువచ్చారు.
నిందితులపై క్రిమినల్ కేసులు బుక్ చేసిన పోలీసులు
ఈ మేరకు మంత్రి ఓఎస్‌డీ డా.రాజేశ్వర్‌రావు బంజారాహిల్స్‌ పోలీసులకు ఫిర్యాదు చేశారు. ఫిర్యాదు స్వీకరించిన పోలీసులు గౌస్ పాషా, గుంటి శేఖర్ లపై కేసు నమోదు చేసి దర్యాప్తు జరుపుతున్నారు. నిందితులపై ఐపీసీ 419, 420, 464, 468, 471 సెక్షన్ల కింద కేసు నమోదు చేశారు.
