IndiGo Airlines: ఇండిగో విమానంలో షాకింగ్ ఘటన.. పైలట్ పై దాడి చేసిన ప్రయాణికుడు
ఇండిగో విమానంలో షాకింగ్ ఘటన చోటు చేసుకుంది. విమానం ఆలస్యమైందని పైలట్ ప్రకటించడంతో ఓ ప్రయాణికుడు అతనిపై దాడి చేశాడు. దాడి దృశ్యాలు సోషల్ మీడియాలో వైరల్‌గా మారాయి.చాలా గంటల ఆలస్యం తర్వాత ఫ్లైట్ డ్యూటీ టైమ్ లిమిటేషన్స్ (FDTL) ప్రమాణాల కారణంగా మునుపటి సిబ్బందిని భర్తీ చేసిన కొత్త పైలట్‌పై పసుపు రంగు హూడీలో ఉన్న వ్యక్తి అకస్మాత్తుగా చివరి వరుస నుండి ముందుకు ఉరికి అతడిపై చేయి చేసుకున్నాడు. ఈ ఘటనపై దిల్లీ పోలీసులు స్పందిస్తూ.. "నిందితులపై తగిన చట్టపరమైన చర్యలు తీసుకుంటాం" అని తెలిపారు.
విమానయాన భద్రతా సంస్థ దర్యాప్తు
ప్రభుత్వ వర్గాల సమాచారం ప్రకారం, పొగమంచు కారణంగా ఢిల్లీ నుండి గోవాకు వెళ్లే ఇండిగో విమానం ఆలస్యమవడంతో ఒక ప్రయాణికుడు కెప్టెన్‌ను కొట్టిన వైరల్ వీడియోపై విమానయాన భద్రతా సంస్థ దర్యాప్తు ప్రారంభించిందని ANI నివేదించింది.
