Andhrapradesh: ఆంధ్రప్రదేశ్ ప్రభుత్వం కీలక నిర్ణయం.. పామాయిల్ రైతులకు స్థిరమైన ధరలు అందించేందుకు చర్యలు
ఈ వార్తాకథనం ఏంటి
ఆంధ్రప్రదేశ్ ప్రభుత్వం కీలక నిర్ణయం తీసుకుంది. రాష్ట్రంలో పామాయిల్ రైతులకు స్థిరమైన ధరలు అందించేందుకు చర్యలు తీసుకుంటామని వ్యవసాయ శాఖ మంత్రి అచ్చెన్నాయుడు చెప్పారు.
ఆయిల్‌పామ్ రైతులు, కంపెనీల యాజమాన్యాలు, ఆయిల్‌ఫెడ్, ఉద్యాన శాఖ అధికారులతో సమావేశం నిర్వహించి, ప్రధానంగా ఆయిల్‌పామ్ సాగు విస్తరణపై చర్చించారు.
పామాయిల్ ధరలపై ముఖ్యమంత్రి చంద్రబాబు నాయుడుతో చర్చిస్తామని చెప్పారు.
కూటమి ప్రభుత్వం వచ్చిన తర్వాత పామాయిల్ రైతులకు ఊరట కలిగిందని అన్నారు.
ప్రభుత్వం అధికారంలోకి వచ్చిన 4 నెలలకే టన్ను ధర రూ.12,500 నుంచి రూ.19,000కు పెరిగిందన్నారు.
వివరాలు
కూటమి ప్రభుత్వం వచ్చిన తర్వాత ధర రూ.19,000
గత ప్రభుత్వ పాలనలో ఒక సందర్భంలో టన్నుకు రూ.23 వేల అత్యధిక ధర ఉన్నప్పుడు, కౌలు రైతులు ఇదే ధర కొనసాగుతుందని ఆశపడ్డారు.
ముందుగానే ఎకరానికి రూ.లక్ష అడ్వాన్స్ ఇచ్చి కౌలు తీసుకున్నారు. అయితే ఆ తర్వాత ధర రూ. 12 వేలకు తగ్గడంతో రైతులు నష్టపోయారు.
కూటమి ప్రభుత్వం వచ్చిన తర్వాత ధర రూ.12,500 నుంచి రూ.19,000కు పెరిగింది.
త్వరలో పామాయిల్ ధర మరింత పెరిగే అవకాశం ఉందని రైతులు భావిస్తున్నారు. తమకు గిట్టుబాటు ధర అందుతుందని ఆశిస్తున్నారు.
వివరాలు
ఏపీలో పామాయిల్ రైతులకు ఊరట
ప్రస్తుతం ఉన్న పెట్టుబడులను పరిగణనలోకి తీసుకుంటే టన్నుకు రూ.18 వేలు లేకపోతే గిట్టుబాటు కాదని రైతులు అంటున్నారు.
పామాయిల్ ధర రూ.19,000 పలకడం సంతోషకరమని వారు పేర్కొన్నారు. పామాయిల్ సాగును విస్తరించాలని అధికారులు సూచించారు.
అదేవిధంగా కేంద్రం కూడా పామాయిల్ రైతులకు తీపికబురు అందించింది. ముడి పామాయిల్ దిగుమతి సుంకాన్ని 5.5% నుంచి 27.5% పెంచుతూ నిర్ణయం తీసుకుంది.
ఈ నిర్ణయంతో పామాయిల్ పండించే రైతులకు లాభం కలుగుతుందని నిపుణులు చెబుతున్నారు.
ఏపీలో పామాయిల్ రైతులకు ప్రభుత్వం మద్దతు ధర ఇవ్వడంతో ఊరట కలిగిందని అంటున్నారు.