పాఠశాలలకు వేసవి సెలవులు ప్రకటించిన ఏపీ ప్రభుత్వం.. ఎప్పటినుంచో తెలుసా.?

AP Schools: పాఠశాలలకు వేసవి సెలవులు ప్రకటించిన ఏపీ ప్రభుత్వం.. ఎప్పటినుంచో తెలుసా.? 

వ్రాసిన వారు Stalin

Apr 02, 2024

05:10 pm

---

ఈ వార్తాకథనం ఏంటి

ఆంధ్రప్రదేశ్​లో బడిపిల్లలకు రాష్ట్ర ప్రభుత్వం శుభ వార్త చెప్పింది. ఇప్పటికే వేసవి ఉష్ణోగ్రతలు 40 డిగ్రీల సెల్సీయస్ కు పైగా నమోదవుతుండటంతో ఉక్కపోతలు పెరిగిపోతున్నాయి.

దీంతో అటు టీచర్లు, ఇటు విద్యార్థులు తీవ్ర ఇక్కట్లు ఎదుర్కొంటున్నారు.

ఈ నేపథ్యంలో ఈనెల 24 నుంచి బడిపిల్లలకు వేసవి సెలవులు ఇవ్వాలని ఆంధ్ర ప్రదేశ్​ రాష్ట్ర ప్రభుత్వం నిర్ణయించింది.

ఇప్పటికే ఒంటిపూట బడులు నడుస్తున్న సంగతి తెలిసిందే.

ఈ ఏడాది వేసవి సెలవులను ఈనెల 24 నుంచి జూన్ 11 వ తేదీ వరకు ఇస్తున్నట్లు విద్యాశాఖ మంగళవారం ఉత్తర్వులు జారీ చేసింది.

వచ్చే విద్యా సంవత్సరం 2024‌-‌25కి తిరిగి బడులు జూన్ 12న తెరుచుకుంటాయని ఉత్తర్వుల్లో పేర్కొంది.