బీజేపీలో చేరిన కాంగ్రెస్ సీనియర్ నేత ఏకే ఆంటోనీ కుమారుడు అనిల్ ఆంటోనీ
కాంగ్రెస్ సీనియర్ నేత, మాజీ రక్షణ మంత్రి ఏకే ఆంటోనీ కుమారుడు అనిల్ ఆంటోనీ గురువారం బీజేపీలో చేరారు. ప్రధాని నరేంద్ర మోదీపై వివాదాస్పదమైన బీబీసీ డాక్యుమెంటరీని విమర్శిస్తూ ఆయన చేసిన ట్వీట్ కాంగ్రెస్ పార్టీలో కలకలం రేగడంతో జనవరిలో ఆయన కాంగ్రెస్‌కతు రాజీనామా చేశారు. కేంద్ర మంత్రులు పీయూష్ గోయల్, వి మురళీధరన్, కేరళ బీజేపీ చీఫ్ సురేంద్రన్ అనిల్ అంటోనీని బీజేపీలోకి స్వాగతించారు. అనిల్ ఆంటోనీ బీబీసీ డాక్యుమెంటరీపై వివాదం తర్వాత పార్టీని వీడే ముందు కేరళలో కాంగ్రెస్ సోషల్ మీడియా సెల్‌ను నడిపారు. బీబీసీ డాక్యుమెంటరీని అనిల్ ఆంటోనీ తప్పు పట్టారు. భారత వ్యతిరేక ధోరణిగా దాన్ని అభివర్ణించారు.
