చంద్రబాబుకు మరో షాక్.. ఈనెల 19 వరకూ జైల్లో ఉండాల్సిందే!
టీడీపీ జాతీయ అధ్యక్షుడు చంద్రబాబుకి మరో బిగ్ షాక్ తగిలింది. ఆయన రిమాండ్ ఈరోజుతో ముగియనుండగా, మరోసారి రిమాండ్ పొడిగిస్తూ విజయవాడ ఏసీబీ న్యాయస్థానం తీర్పునిచ్చింది. స్కిల్ డెవలప్ మెంట్ కేసులో చంద్రబాబు నాయుడు రిమాండ్‌ను ఈ నెల 16 వరకు పొడిగిస్తూ ఉత్తర్వులు జారీ చేసింది. మరోవైపు చంద్రబాబు బెయిల్ పిటిషన్, సీఐడీ కస్టడీ పొడిగింపు పిటిషన్లపై విచారణను కోర్టు రేపటికి వాయిదా వేసింది. విచారణ సందర్భంగా ఇరు వైపుల న్యాయవాదుల మధ్య తీవ్ర వాగ్వాదం చోటు చేసుకుంది. చంద్రబాబుకు బెయిల్ వస్తుందా? లేదా అనే విషయం రేపు తేలనుంది.
నెల రోజుల నుంచి జైలులోనే చంద్రబాబు
స్కిల్ స్కాం కేసులో చంద్రబాబు రిమాండ్ ను మరోసారి పొడిగించడంతో టీడీపీ అభిమానులు షాక్ కు గురయ్యారు. సెప్టెంబర్ 10న రాజమండ్రి జైలుకు వెళ్లిన ఆయన, 2, 3 రోజుల్లో వస్తారని అంతా భావించారు. సూమారు నెల రోజులుగా బాబు జైల్లో ఉండగా ఇకనైనా బయటికొస్తారనుకుంటే మూడోసారి రిమాండ్ ను పొడించారు. దీంతో ఈనెల 19 వరకు ఆయన జైల్లోనే ఉండనున్నారు.
