Fire accident in Maharashtra: మహారాష్ట్ర లో భారీ అగ్ని ప్రమాదం
మహారాష్ట్రలో భారీ అగ్నిప్రమాదం సంభవించింది. పుణెలోని చించివాడ్ ప్రాంతంలోని కుడల్ వాడి ఏరియాలో శుక్రవారం అర్థరాత్రి 150 చెత్త దుకాణాలకు మంటలు అంటుకున్నాయి. స్థానికుల సమాచారంతో వెంటనే బయల్దేరిన అగ్నిమాపకదళం ఫైరింజన్ల సాయంతో మంటలను అదుపు చేసింది. ఈ ప్రమాదంతో చించివాడ్ ప్రాంతమంతా దట్టంగా పొగలు అలుముకున్నాయి. సుమారు రెండున్నర గంటలసేపు అగ్నిమాపక సిబ్బంది కష్టపడి మంటలను అదుపు చేశారు. ఈ ప్రాంతంలో ప్రతి యేటా వేసవి కాలంలో చెత్త దుకాణాల్లో అగ్ని ప్రమాదాలు జరుగుతుంటాయి. అయినప్పటికీ ప్రభుత్వం ఈ ప్రమాదాలను నిరోధించేందుకు చర్యలు చేపట్టడం లేదంటూ స్థానికులు వాపోతున్నారు. ఆరు రోజుల క్రితం భివండీలోని చెత్త దుకాణాల్లో అగ్నిప్రమాదం సంభవించింది. తాజా ప్రమాదంలో 150 చెత్త దుకాణాలు అగ్నికి ఆహుతయ్యాయి.
పుణెలోని చించివాడ్లో అగ్ని ప్రమాద దృశ్యాలు
#WATCH | Maharashtra: Around 150 scrap shops gutted in fire in the Kudalwadi area of Pimpri Chinchwad area of Pune. The fire which broke out last night around 1.30 am has been brought under control: Fire department pic.twitter.com/8RtwyKewgm— ANI (@ANI) April 6, 2024
