Mumbai: ఆసియాలో మొదటి మహిళా లోకో పైలట్.. 36 ఏళ్ల తర్వాత రిటైర్మెంట్
ఈ వార్తాకథనం ఏంటి
ఆసియాలోనే తొలి మహిళా లోకో పైలట్ సురేఖా యాదవ్ 36 సంవత్సరాల ట్రైల్‌బ్లేజింగ్ సేవ తర్వాత భారత రైల్వేస్‌లో పదవీ విరమణ చేశారు. 1989లో చేరిన ఆమె గూడ్స్ రైళ్ల నుండి వందే భారత్, రాజధాని ఎక్స్‌ప్రెస్ వరకు వివిధ రైళ్లను నడిపారు. దేశంలోని అనేక ప్రతిష్టాత్మక రైళ్లను నడిపిన ఆసియాలోనే మొట్టమొదటి మహిళా లోకో పైల్ట్‌గా సురేఖా యాదవ్ నిలిచారు. సురేఖా యాదవ్ సెప్టెంబర్ 2, 1965న మహారాష్ట్రలోని సతారా జిల్లాలోని ఒక వ్యవసాయ కుటుంబంలో జన్మించారు. రైల్వే నియామకానికి ముందు ఆమె ఎలక్ట్రికల్ ఇంజనీరింగ్‌లో డిప్లొమా పూర్తి చేశారు.
Details
రాబోయే తరాలకు మార్గదర్శి
ముంబై శివారు ప్రాంతం లోకపాటి మాత్రమే కాకుండా, భారతదేశంలోని అత్యంత ఎత్తైన 'ఘాట్' విభాగాల ద్వారా గూడ్స్ రైళ్లను నడిపే అనుభవం సంపాదించారు. 1996లో మొదటి గూడ్స్ రైలును నడిపారు. 2000లో మోటార్ ఉమెన్‌గా పదోన్నతి పొందారు. 2010లో ఘాట్ డ్రైవర్ అర్హతను సాధించి, తదుపరి వివిధ మార్గాల ద్వారా సుదూర మెయిల్ ఎక్స్‌ప్రెస్ రైళ్లను నడిపారు. సెంట్రల్ రైల్వే సురేఖా యాదవ్ సహకారాన్ని ప్రశంసిస్తూ, ఆమె "మార్గదర్శి"గా రాబోయే తరాలకు స్ఫూర్తి కలిగించారని పేర్కొంది. సవాలుతో కూడిన బాధ్యతాయుతమైన పని అయినప్పటికీ, ఆమె దానిని పూర్తిగా ఆస్వాదించారని సెంట్రల్ రైల్వే తెలిపారు.