ఫరీదాబాద్‌లో దారుణ ఘటన.. గార్బా రాత్రి గొడవ జరిగి వ్యక్తి మరణం
ఈ వార్తాకథనం ఏంటి
దిల్లీ సమీపంలోని ఫరీదాబాద్‌లోని రెసిడెన్షియల్ సొసైటీలో జరిగిన గర్బా కార్యక్రమంలో తన కుమార్తెను వేధించారని ఆరోపిస్తూ ఇద్దరు పొరుగువారితో గొడవపడి 52 ఏళ్ల వ్యక్తి మరణించడంతో విషాదం నెలకొంది. ఫరీదాబాద్‌లోని సెక్టార్ 87లోని ప్రిన్సెస్ పార్క్ సొసైటీ నివాసితులు ప్రేమ్ మెహతా,అతని కుటుంబ సభ్యులు సోమవారం రాత్రి నివాస సముదాయం ఆవరణలో జరిగిన గర్బా కార్యక్రమంలో పాల్గొన్నారు. రెసిడెన్షియల్ కాంప్లెక్స్ నుండి ఇద్దరు యువకులు దాండియా డ్యాన్స్ సమయంలో మెహతా 25 ఏళ్ల కుమార్తె వద్దకు వచ్చి ఆమె కాంటాక్ట్ నంబర్ అడగడమే కాకుండా తమతో కలిసి డ్యాన్స్ చేయమని కూడా ఆమెను అడిగారు. అంతేకాకుండా అనుచితంగా బాలిక చేతిని తాకినట్లు బాలిక కుటుంబీకులు ఆరోపిస్తున్నారు.
Details
తోపులాటలో ప్రేమ్ మెహతా మరణం
ఈ విషయం కుటుంబ సభ్యులకు తెలియగానే ఇరువర్గాల మధ్య తోపులాట జరిగింది. వాగ్వాదం సందర్భంగా జరిగిన తోపులాటలో ప్రేమ్ మెహతా స్పృహతప్పి నేలపై పడిపోయాడు. రెసిడెన్షియల్ కాంప్లెక్స్‌లో గార్బా కార్యక్రమంలో తోపులాట జరిగిన ఒక వీడియో వైరల్ గా మారింది. ఆ వ్యక్తిని వెంటనే ఆసుపత్రికి తరలించగా, అప్పటికే అతడు చనిపోయినట్లు వైద్యులు ప్రకటించారు. పోలీసు అధికారి జమీల్ ఖాన్ ప్రకారం, మెహతా కుటుంబీకుల పోలీసుల ఫిర్యాదు మేరకు కేసు నమోదు చేశారు. తమ కుమార్తెను వేధించారని, ప్రేమ్ పై దాడి చేశారని వారు తమ ఫిర్యాదులో పేర్కొన్నారు. కేసు నమోదు చేసుకున్న పోలీసులు ఈ విషయపై దర్యాప్తు చేస్తున్నారు.