Audi seized: పూజా ఖేద్కర్ ప్రైవేట్ లగ్జరీ కారు జప్తు..పూణే పోలీసుల చర్యలు ,లోతుగా విచారణ
ఈ వార్తాకథనం ఏంటి
సివిల్స్ సాధించటానికి OBC , PwBD కోటా నుండి ప్రయోజనాలను దుర్వినియోగం చేశారనే ఆరోపణలను పూజ ఖేద్కర్ ఎదుర్కొన్న సంగతి విదితమే. వివాదాస్పద ట్రైనీ ఐఏఎస్ అధికారి పూజా ఖేద్కర్ ఉపయోగించిన ప్రైవేట్ లగ్జరీ కారును పూణే పోలీసులు ఆదివారం జప్తు చేశారు. ఆమె ఇతర వెనుకబడిన తరగతి (OBC) , బెంచ్‌మార్క్ డిజేబిలిటీస్ (PwD) సర్టిఫికేట్‌లను దుర్వినియోగం చేసిన ఆరోపణలపై పరిశీలనను ఎదుర్కొంటున్నారు. కారు చతుర్‌శ్రంగి పోలీస్ స్టేషన్‌లోని ట్రాఫిక్ డివిజన్‌లో ఉంచారు. కారుపై జామర్‌ను ఉంచారు. దాని చుట్టూ బారికేడ్‌లను ఏర్పాటు చేశారు.
వివరాలు
మరింత లోతుగా విచారిస్తామన్న పోలీసులు
34 ఏళ్ల ప్రొబేషనరీ ఐఏఎస్ అధికారి ఆడి కారుపై రెడ్ బీకాన్ లైట్ ఉపయోగించారన్నారు. అనుమతి లేకుండా దానిపై 'మహారాష్ట్ర గవర్నమెంట్' అని కూడా రాశారని ఆరోపించారు. ఖేద్కర్ ఉపయోగిస్తున్న ప్రైవేట్ సెడాన్‌లో బీకాన్ , పేరు గుర్తును అనధికారికంగా ఉపయోగించడంపై గురువారం నోటీసు జారీ చేశారు. ఇప్పుడు కారు జప్తు చేశారు. దాని పత్రాలను తనిఖీ చేస్తాము , తాము ఈ విషయాన్ని మరింత లోతుగా విచారిస్తున్నామని సీనియర్ పోలీసు ఒకరు అధికారి ఆదివారం తెలిపారు.