గత వారం ప్రధాని ప్రారంభించిన బెంగళూరులోని మెట్రో స్టేషన్ వర్షాలకు నీట మునిగింది
బెంగళూరు మెట్రో 13.71 కి.మీ ఫేజ్ II ను ప్రధాని నరేంద్ర మోడీ ప్రారంభించిన కొద్ది రోజుల తర్వాత, నిన్న సాయంత్రం బెంగళూరులో భారీ వర్షం కారణంగా నల్లూర్‌హళ్లి మెట్రో స్టేషన్‌లో నీరు నిలిచిపోయింది. వైట్‌ఫీల్డ్ (కాడుగోడి) నుంచి కృష్ణరాజపురం వరకు నడిచే కొత్త మెట్రో లైన్‌ను శనివారం ప్రధాని ప్రారంభించారు. దీనిని Rs. 4,249 కోట్లతో నిర్మించారు. నీటమునిగిన నల్లూరుహళ్లి మెట్రో స్టేషన్ దృశ్యాలను పలువురు వినియోగదారులు ట్విట్టర్‌లో పంచుకున్నారు. బెంగళూరులోని సిటిజన్ ఫోరమ్ వైట్‌ఫీల్డ్ రైజింగ్ ప్లాట్‌ఫారమ్‌పై టికెటింగ్ కౌంటర్ దగ్గర నీటిని చూపిస్తున్న ఫోటోలను ట్వీట్ చేసింది.
మెట్రో స్టేషన్ లోపలి దృశ్యాలు ట్వీట్ చేసిన వైట్ ఫీల్డ్ రైజింగ్
ప్రభుత్వంపై విరుచుకుపడ్డ ప్రయాణికులు
కొత్త నల్లూరుహళ్లి మెట్రో స్టేషన్‌లోపల, ప్లాట్‌ఫారమ్‌పైనా, టికెటింగ్ కౌంటర్ దగ్గర కూడా నీరు నిలిచిపోయింది. కొంతమంది ప్రయాణికులు ప్రభుత్వంపై విరుచుకుపడ్డారు, మెట్రోలో మౌలిక సదుపాయాలు లేకుండానే ప్రారంభోత్సవానికి సిద్ధం చేసారంటూ ప్రశ్నించారు. మంగళవారం సాయంత్రం కురిసిన వర్షంతో బెంగళూరులో విమాన సర్వీసులు, ట్రాఫిక్‌ స్తంభించిపోయాయి. కెంపేగౌడ అంతర్జాతీయ విమానాశ్రయం ఉన్న నగర శివార్లలో భారీ నీటి ఎద్దడి కారణంగా పద్నాలుగు విమానాలు దారి మళ్లించారు, అనేక ఇతర విమానాలు కూడా ఆలస్యమయ్యాయి.
ఈ టైమ్ లైన్ ని షేర్ చేయండి