Supreme Court: వీధి కుక్కల తరలింపు వ్యవహారం..సుప్రీం ధర్మాసనం కీలక తీర్పు
ఈ వార్తాకథనం ఏంటి
వీధి కుక్కల సమస్యపై సుప్రీంకోర్టు కీలక తీర్పును విడుదల చేసింది. బహిరంగ ప్రదేశాలలో ఎవరూ వీధి కుక్కలకు ఆహారం అందించకూడదని, దీనికోసం నిర్దేశిత ప్రాంతాలను ఏర్పాటుచేయాలని అధికారులను ఆదేశించింది రేబీస్ వ్యాధి లేదా ప్రమాదకర ప్రవర్తన కలిగిన కుక్కలను మినహా, ఇప్పటివరకు షెల్టర్లకు తరలించిన వీధి కుక్కలను స్టెరిలైజ్ చేసిన తర్వాత తిరిగి విడుదల చేయాలని సుప్రీంకోర్టు ఆదేశించింది. దీనికి సంబంధించి గతంలో ఇచ్చిన తీర్పును సర్వోన్నత న్యాయస్థానం సవరించింది.
వివరాలు
కుక్కల దాడులు పెరిగిపోవడంపై ఆందోళన వ్యక్తంచేసిన సుప్రీం
గతంలో, దిల్లీ ఎన్‌సీఆర్‌ ప్రాంతంలోని వీధి కుక్కలను పూర్తిగా తరలించమని ఆగస్టు 11న సుప్రీంకోర్టు తీర్మానం ఇచ్చిన విషయం తెలిసిందే. వీధిలో వీటి దాడులు పెరుగుతున్నారని, వీలైనంత వేగంగా నియంత్రించాల్సిన అవసరం ఉందని సుప్రీంకోర్టు పేర్కొంది. అయితే, దిల్లీలో అవి ఎక్కడా కనిపించడానికి వీల్లేదంటూ ఇచ్చిన తీర్పుపై జంతు హక్కుల సంఘాలు, ప్రముఖులు ప్రతికూల స్పందన వ్యక్తం చేశారు. ఈ పరిస్థితులను దృష్టిలో ఉంచుకుని, సుప్రీంకోర్టు మరోసారి విచారణ జరిపి, పూర్వపు తీర్పును సవరించి, కొత్త ఆదేశాలను విడుదల చేసింది.