Bihar road Accident: ఘోర రోడ్డు ప్రమాదం.. 9మంది దుర్మరణం
బిహార్‌లోని లఖిసరాయ్ జిల్లాలో ఘోర రోడ్డు ప్రమాదం జరిగింది. ఈ ఘటనలో 9 మంది మృతి చెందగా.. ఐదుగురు తీవ్రంగా గాయపడ్డారు. లఖిసరాయ్‌లోని రామ్‌గఢ్ పోలీస్ స్టేషన్ పరిధిలోని చక్ ప్రాంతంలోని ఝలౌనా గ్రామ సమీపంలోని జాతీయ రహదారిపై ఈ సంఘటన జరిగింది. లఖిసరాయ్ సికంద్రా ప్రధాన రహదారిపై ట్రక్కు- ఆటో రిక్షా ఢీకొన్నాయి. దీంతో ఆటోరిక్షా బోల్తా పడింది. ఆ సమయంలో ఆటోరిక్షాలో 14 మంది ప్రయాణికులు ఉన్నారు. వీరిలో 8 మంది అక్కడికక్కడే మృతి చెందగా, ఒకరు చికిత్స పొందుతూ మృతి చెందారు. తీవ్రంగా గాయపడిన మిగిలిన వారు చికిత్స పొందుతున్నారని, వారి పరిస్థితి కూడా విషమంగా ఉందని పోలీసులు చెప్పారు.
