Hyderabad: కాంగ్రెస్ లో చేరిన బీఆర్ఎస్ ఎమ్మెల్యే తెల్లం వెంకట్రావు

వ్రాసిన వారు Stalin

Apr 07, 2024

05:46 pm

---

ఈ వార్తాకథనం ఏంటి

షాకులు మీద షాకులు తగుల్తున్న బీఆర్ఎస్ పార్టీకి తాజాగా మరో ఝలక్ తగిలింది.

బీఆర్ఎస్ భద్రాచలం ఎమ్మెల్యే తెల్లం వెంకట్రావు ఆదివారం సీఎం రేవంత్​ రెడ్డి సమక్షంలో కాంగ్రెస్​​ లో చేరిపోయారు.

ఆయనకు సీఎం రేవంత్ రెడ్డి కాంగ్రెస్ కండువా కప్పి పార్టీలోకి ఆహ్వానించారు.

పాలేరు ఎమ్మెల్యే పొంగులేటి శ్రీనివాస్​ రెడ్డికి ముఖ్య అనుచరుడిగా ఉన్న తెల్లం వెంకట్రావు శనివారం తుక్కుగూడలో సభకు కూడా హాజరయ్యారు.

రాహుల్ గాంధీ సమక్షంలోనే ఆయన పార్టీలో చేరినప్పటికీ ఆదివారం సీఎం రేవంత్​ ను కలిశారు.

ఈ సందర్భంగా రేవంత్ ఆయనకు పార్టీ కండువాను కప్పి పార్టీలోకి సాదరంగా ఆహ్వానించారు.

ఉమ్మడి ఖమ్మం జిల్లానుంచి బీఆర్ఎస్ నుంచి తెల్లం వెంకట్రావు ఒక్కరు మాత్రమే గెలిచారు.