Pakistani Ranger: భారత్‌లోకి అక్రమంగా ప్రవేశించిన పాక్‌ రేంజర్‌ను పట్టుకున్న బీఎస్ఎఫ్ జవాన్లు
ఈ వార్తాకథనం ఏంటి
భారత్‌-పాక్‌ సరిహద్దుల్లో ఉద్రిక్తతల మధ్య ఓ కీలక ఘటన జరిగింది. శనివారం రాజస్థాన్‌లోని శ్రీగంగానగర్‌ సమీపంలో పాకిస్తాన్‌కు చెందిన ఓ రేంజర్‌ భారత్‌ సరిహద్దులోకి చొరబడ్డాడు.
అనుమానాస్పదంగా తిరుగుతున్న అతడిని గుర్తించిన బీఎస్ఎఫ్ (భారత సరిహద్దు భద్రతా దళం) జవాన్లు వెంటనే అదుపులోకి తీసుకున్నారు.
ఇటీవలే భారత్‌కు చెందిన ఓ బీఎస్ఎఫ్ కానిస్టేబుల్‌ అప్రమత్తంగా పాకిస్తాన్‌ సరిహద్దు దాటి వెళ్లిపోయిన ఘటన జరిగింది.
అతడిని పాక్‌ ఆర్మీ అరెస్టు చేసి, ప్రస్తుతం నిర్బంధంలో ఉంచిన విషయం తెలిసిందే.
Details
రెండు దేశాల మధ్య ఉద్రిక్తత పరిస్థితులు
భారత్‌ ఆయన విడుదల కోసం చర్చలు జరుపుతున్నా ఇప్పటివరకు ఎటువంటి పురోగతీ కనిపించలేదు. పాక్‌ ఆర్మీ వర్గాలు, ఉన్నతాధికారుల అనుమతి లేకుండా ఆయనను విడుదల చేయలేమని స్పష్టం చేస్తున్నాయి.
ఈ నేపథ్యంలో పాక్‌ రేంజర్‌ భారత్‌లోకి చొరబడటం గమనార్హం. రెండు దేశాల మధ్య ఇప్పటికే ఉద్రిక్తతలు ఉన్న తరుణంలో ఈ ఘటన మరింత అనుమానాలకు దారితీస్తోంది.
పాక్‌ రేంజర్‌ను అదుపులోకి తీసుకున్న భారత్‌ తదుపరి చర్యలు ఏవైనా కీలకంగా మారనున్నాయి.