'1 కోటి ఇళ్లకు 300 యూనిట్ల ఉచిత విద్యుత్': 'పీఎం సూర్య ఘర్ ముఫ్త్ బిజిలీ యోజన' ప్రకటించిన కేంద్రం
కోటి కుటుంబాలకు 300 యూనిట్ల ఉచిత విద్యుత్ అందజేసే 'పీఎం సూర్య ఘర్ ముఫ్త్ బిజిలీ యోజన'కు కేంద్రం ఆమోదం తెలిపిందని కేంద్ర మంత్రి అనురాగ్ సింగ్ ఠాకూర్ గురువారం తెలిపారు. ఈరోజు ప్రధాని నరేంద్ర మోదీ నేతృత్వంలో కేబినెట్ సమావేశం జరిగింది. 'పీఎం సూర్య ఘర్ ముఫ్త్ బిజిలీ యోజన'కు ఈరోజు ఆమోదం లభించిందని,ఈ పథకం కింద కోటి కుటుంబాలకు 300 యూనిట్ల ఉచిత విద్యుత్ అందుతుందని ఠాకూర్ చెప్పారు. కేంద్ర కేబినెట్ సమావేశం అనంతరం మీడియాతో మాట్లాడిన కేంద్ర మంత్రి ఠాకూర్, రూఫ్‌టాప్ సోలార్‌ను అమర్చడంతోపాటు కోటి కుటుంబాలకు ప్రతినెలా 300 యూనిట్ల వరకు ఉచిత విద్యుత్‌ను అందించే పథకానికి ఆమోదం తెలిపినట్లు తెలిపారు.
కేంద్ర ప్రభుత్వ భవనాలపై ప్రాధాన్యత ప్రాతిపదికన రూఫ్‌టాప్ సోలార్‌
PTI ప్రకారం,ప్రతి కుటుంబం 1 kw సిస్టమ్‌కు రూ.30,000,2 kw సిస్టమ్‌కు రూ.60,000 సబ్సిడీని పొందవచ్చు. 2025 నాటికి అన్ని కేంద్ర ప్రభుత్వ భవనాలపై రూఫ్‌టాప్ సోలార్‌ను ఏర్పాటు చేస్తామని కేంద్ర మంత్రి ఠాకూర్ తెలిపారు. 2025 నాటికి,అన్ని కేంద్ర ప్రభుత్వ భవనాలపై ప్రాధాన్యత ప్రాతిపదికన రూఫ్‌టాప్ సోలార్‌ను ఏర్పాటు చేస్తామని కేంద్ర మంత్రి తెలిపారు. ఇంటర్నేషనల్ బిగ్ క్యాట్ అలయన్స్ ఏర్పాటుకు కేంద్ర కేబినెట్ ఆమోదం తెలిపిందని,ఐదేళ్ల కాలానికి రూ.150 కోట్ల వన్-టైమ్ బడ్జెట్ సపోర్టును అందజేస్తుందని ఆయన తెలిపారు. "భారతదేశంలో ప్రధాన కార్యాలయంతో ఇంటర్నేషనల్ బిగ్ క్యాట్ అలయన్స్(ఐబిసిఎ)స్థాపనకు క్యాబినెట్ ఆమోదం తెలిపింది. 2027-28వరకు ఐదేళ్ల కాలానికి రూ.150 కోట్ల వన్-టైమ్ బడ్జెట్ మద్దతును కూడా ఆమోదించింది," అయన తెలిపారు.
