Arvind Kejriwal: ఢిల్లీ లిక్కర్ కేసులో మాజీ సీఎం అరవింద్ కేజ్రీవాల్ షాక్.. విచారించేందుకు ఈడీకి అనుమతి ఇచ్చిన కేంద్రం హోంశాఖ..
ఈ వార్తాకథనం ఏంటి
ఢిల్లీ లిక్కర్ స్కామ్‌కు సంబంధించిన మనీ లాండరింగ్ కేసులో, మాజీ ముఖ్యమంత్రి, ఆమ్ ఆద్మీ పార్టీ అధినేత అరవింద్ కేజ్రీవాల్‌కు కేంద్ర ప్రభుత్వం పెద్ద షాక్ ఇచ్చింది.
కేంద్ర హోం మంత్రిత్వ శాఖ, ఈడీకి కేజ్రీవాల్‌ను విచారించేందుకు గ్రీన్ సిగ్నల్ ఇచ్చింది.
ప్రజా ప్రతినిధులను విచారించేందుకు ఈడీ ముందస్తు అనుమతి తీసుకోవాలని సుప్రీంకోర్టు గత నవంబర్‌లో ఆదేశాలు ఇచ్చింది.
తాజాగా, ఢిల్లీ లెఫ్టినెంట్ గవర్నర్ వీకే సక్సేనా కేజ్రీవాల్‌ను విచారించేందుకు అనుమతి ఇవ్వడంతో కేంద్రం చర్యలు ప్రారంభించింది.
ఢిల్లీ అసెంబ్లీ ఎన్నికలు సమీపిస్తున్న నేపథ్యంలో ఈ పరిణామం తీవ్ర చర్చలకు దారి తీసింది.
వివరాలు
కేజ్రీవాల్ ఢిల్లీ ముఖ్యమంత్రి పదవికి రాజీనామా
2021-22 సంవత్సరాలకు సంబంధించిన ఢిల్లీ ఎక్సైజ్ పాలసీలో అక్రమాలు జరిగాయనే ఆరోపణలపై అరవింద్ కేజ్రీవాల్‌పై కేసు నమోదు అయ్యింది.
మనీ లాండరింగ్ కేసు సంబంధంగా, 2024 మార్చి 21న ఈడీ కేజ్రీవాల్‌ను అరెస్టు అయ్యారు. 6 నెలల పాటు తీహార్ జైలులో శిక్ష అనుభవించారు.
అనంతరం, 2024 సెప్టెంబర్‌లో సుప్రీంకోర్టు అతడికి షరతులతో కూడిన బెయిల్ మంజూరు చేసింది.
బెయిల్ పొందిన కొన్ని రోజులకే, కేజ్రీవాల్ ఢిల్లీ ముఖ్యమంత్రి పదవికి రాజీనామా చేశారు. అతని స్థానంలో అతిషి మార్లెనా సింగ్ ముఖ్యమంత్రిగా బాధ్యతలు స్వీకరించారు.
వివరాలు
ఫిబ్రవరి 5న ఎన్నికలు
ఇదిలా ఉండగా, ఢిల్లీలోని 70 అసెంబ్లీ నియోజకవర్గాలకు ఫిబ్రవరి 5న ఎన్నికలు జరుగనుండగా, ఫిబ్రవరి 8న ఓట్ల లెక్కింపు, తుది ఫలితాలు ఈసీ ద్వారా ప్రకటించబడతాయి.
ఈ ఎన్నికల్లో గెలిచేందుకు అధికార, విపక్ష పార్టీల తీవ్ర ప్రచారం కొనసాగుతోంది.
2020 ఢిల్లీ అసెంబ్లీ ఎన్నికల్లో ఆమ్ ఆద్మీ పార్టీ 62 సీట్లలో విజయం సాధించగా, బీజేపీ కేవలం 8 సీట్లు మాత్రమే గెలిచింది. కాంగ్రెస్ పార్టీ మాత్రం ఒక్క సీటు కూడా గెలవలేదు.