నన్ను రెండు, మూడు రోజుల్లో అరెస్టు చేయొచ్చు: వైసీపీ ప్రభుత్వంపై చంద్రబాబు ధ్వజం
ఈ వార్తాకథనం ఏంటి
ఐటీ నోటీసుల వ్యవహారంపై మాజీ ముఖ్యమంత్రి చంద్రబాబు నాయుడు తొలిసారి స్పందించారు. రాయదుర్గంలో జరిగిన ఉపాధ్యాయులు, న్యాయవాదులు, విద్యావంతులతో జరిగిన సమావేశంలో చంద్రబాబు ఈ అంశంపై మాట్లాడారు.
తనను రెండు, మూడు రోజుల్లో అరెస్టు చేయవచ్చని, వారు తనపై దాడి కూడా చేయొచ్చన్నారు. వైసీపీ ప్రభుత్వం చేసిన తప్పులను తనపైకి నెట్టే ప్రయత్నం చేస్తున్నారని మండిపడ్డారు.
తన 45ఏళ్ల ప్రజా జీవితంలో ఒక్క రిమార్క్ లేకుండా ఉన్నట్లు చెప్పారు. తనపై కేసు పెట్టేందుకు కూడా ఎవరూ సాహసించలేదని పేర్కొన్నారు.
తనకు వ్యతిరేకంగా ఎవరూ సాక్ష్యాలు కనుగొనలేరని స్పష్టం చేశారు. వైఎస్ రాజశేఖరరెడ్డి తనపై ఇరవై ఆరు విచారణలకు ఆదేశించినా, ఏమీ చేయలేకపోయారని చంద్రబాబు ఉన్నారు.
ఏపీ
వైసీపీ ప్రభుత్వంపై పోరాటం కొనసాగిస్తా: చంద్రబాబు
అలాగే ఆంధ్రప్రదేశ్‌లో వైసీపీ ప్రభుత్వంపై చంద్రబాబు నాయుడు తీవ్ర విమర్శలు గుప్పించారు. వైసీపీ ప్రభుత్వ హయాంలో పెద్దఎత్తున అవినీతి, ఆస్తుల దోపిడీ జరిగిందని చంద్రబాబు ఆరోపించారు.
రైతులకు సమాచారం ఇవ్వకుండా భూముల్లో అనధికారికంగా కాల్వలు తవ్వడంతోపాటు ఇసుక అక్రమాలపై కేసులు పెట్టిన నాగేంద్రపై ప్రభుత్వం వేధింపులకు పాల్పడుతోందన్నారు.
తాను ఎలాంటి తప్పు చేయలేదని, వైసీపీ ప్రభుత్వంపై పోరాటం కొనసాగిస్తానని స్పష్టం చేశారు.
ఇదిలా ఉంటే, ఆదాయపు పన్ను కేసులో చంద్రబాబు నాయుడు, ఆయన తనయుడు నారా లోకేష్‌లను కేంద్రం అరెస్ట్ చేయాలని మాజీ మంత్రి, వైఎస్సార్సీపీ అధికార ప్రతినిధి అనిల్ కుమార్ యాదవ్ కోరారు.