Chandra Babu: జూబ్లీహిల్స్ ఉప ఎన్నికకు ముందే తెలంగాణ టీడీపీ నేతలతో చంద్రబాబు భేటీ
ఈ వార్తాకథనం ఏంటి
ఆంధ్రప్రదేశ్ ముఖ్యమంత్రి, తెలుగుదేశం పార్టీ (టీడీపీ) జాతీయ అధ్యక్షుడు చంద్రబాబు నాయుడు ఈ రోజు సాయంత్రం తెలంగాణ టీడీపీ నేతలతో సమావేశం కాబోతున్నారు. వచ్చే నెలలో హైదరాబాద్‌ పరిధిలోని జూబ్లీహిల్స్ అసెంబ్లీ నియోజకవర్గంలో ఉప ఎన్నికలు జరగనుండటంతో, ఎన్నికల వ్యూహాలపై చర్చించేందుకు ఈ సమావేశాన్ని ఏర్పాటు చేశారు. సాయంత్రం 7 గంటలకు ఉండవల్లి లోని తన నివాసంలో చంద్రబాబు నేతలతో కలుసుకుని, ఉప ఎన్నికల్లో కూటమి అభ్యర్థి గెలుపు కోసం సజావుగా మద్దతు ఇవ్వాలని, అన్ని స్థాయిల వద్ద కాంగ్రెస్‌తో సమన్వయం అవసరమని సూచనలివ్వనున్నారు.
Details
ఉప ఎన్నిక షెడ్యూల్ నిన్న రిలీజ్
జూబ్లీహిల్స్ అసెంబ్లీ నియోజకవర్గానికి ఉప ఎన్నికల షెడ్యూల్‌ను ఎన్నికల సంఘం నిన్న విడుదల చేసింది. పోలింగ్ నవంబర్ 11న, ఫలితాలు నవంబర్ 14న ప్రకటించనున్నట్లు తెలిపింది. సిట్టింగ్ ఎమ్మెల్యే మాగంటి గోపీనాథ్ మృతి కారణంగా ఈ ఉప ఎన్నిక అవసరం ఏర్పడింది. నోటిఫికేషన్ ఈ నెల 13న విడుదల అవుతుంది. దానికి సంబంధించిన నామినేషన్ దాఖలు 21వ తేదీ వరకు, 22న నామినేషన్ల పరిశీలన, 24వ తేదీ వరకు ఉపసంహరణ ప్రక్రియ కొనసాగుతుంది.