Sonia Gandhi : సోనియా గాంధీకి అస్వస్థత.. ఆస్పత్రికి తరలింపు..!
ఈ వార్తాకథనం ఏంటి
కాంగ్రెస్ పార్లమెంటరీ పార్టీ నాయకురాలు,రాజ్యసభ సభ్యురాలు సోనియా గాంధీ ఆరోగ్యం మంగళవారం రాత్రి అకస్మాత్తుగా క్షీణించింది. దీంతో ఆమెను వెంటనే ఢిల్లీలోని సర్ గంగా రామ్ ఆసుపత్రికి తరలించారు.ఇదే ఆసుపత్రిలో గతంలో కూడా ఆమె చికిత్స పొందిన విషయం తెలిసిందే. 2026 జనవరిలో కూడా ఆమె ఆరోగ్యం క్షీణించడంతో ఆరు రోజుల పాటు ఆసుపత్రిలో చేరి వైద్యం పొందారు. ఛాతీ నొప్పితో చేరిక 79 ఏళ్ల సోనియా గాంధీ ఛాతీ నొప్పి సమస్యతో ఆసుపత్రిలో చేరినట్లు సమాచారం. ప్రస్తుతం డాక్టర్ అనూప్ బసు పర్యవేక్షణలో ఆమెకు చికిత్స కొనసాగుతోంది. ఈ సమయంలో ఆమెతో పాటు ప్రియాంక గాంధీ,రాహుల్ గాంధీ ఆసుపత్రిలోనే ఉన్నారు. వైద్యుల ప్రకారం,ఆమె ఆరోగ్య పరిస్థితి ప్రస్తుతం స్థిరంగా ఉందని తెలిపారు.
వివరాలు
వైద్యుల పర్యవేక్షణలో చికిత్స
సోనియాగాంధీకి ఛాతీ సంబంధిత నిపుణుల బృందం పరీక్షలు నిర్వహిస్తోంది. ఆసుపత్రి వర్గాలు,పార్టీ నేతలు ఇచ్చిన సమాచారం ప్రకారం ఆమె ఆరోగ్యం నిలకడగానే ఉందని చెప్పారు. ముందుజాగ్రత్తగా ఆమెను నిరంతర పర్యవేక్షణలో ఉంచారు.కాలుష్యం కారణంగా గత కొంతకాలంగా ఆమె నిరంతర దగ్గుతో బాధపడుతున్నట్లు తెలుస్తోంది. జూన్ 2025లో కూడా ఆసుపత్రిలో చేరిక ఇంతకుముందు కూడా సోనియా ఆరోగ్య సమస్యల కారణంగా ఆసుపత్రిలో చేరిన సందర్భాలు ఉన్నాయి. 2025 జూన్లో కడుపు సంబంధిత సమస్యతో సర్ గంగా రామ్ ఆసుపత్రిలో చేరి చికిత్స పొందారు. సుమారు నాలుగురోజుల తర్వాత ఆమె డిశ్చార్జ్ అయ్యారు. ఆతర్వాత ఇంటి వద్దే చికిత్స కొనసాగించారు. ప్రస్తుతం సోనియా గాంధీ రాజ్యసభ ఎంపీగా,అలాగే పార్టీ పార్లమెంటరీ బోర్డు ఛైర్పర్సన్గా బాధ్యతలు నిర్వర్తిస్తున్నారు.