కాంగ్రెస్ మేనిఫెస్టో: ఉచిత విద్యుత్, రూ.3వేల నిరుద్యోగ భృతి, కుటుంబ పెద్దకు రూ.2వేలు
ఈ వార్తాకథనం ఏంటి
కర్ణాటక అసెంబ్లీ ఎన్నికల మేనిఫెస్టోను కాంగ్రెస్ మంగళవారం విడుదల చేసింది. మహిళా ఓటర్లు, యువతే లక్ష్యంగా కాంగ్రెస్ మేనిఫెస్టోను రూపొంచింది. కాంగ్రెస్ అధ్యక్షుడు మల్లికార్జున ఖర్గే, కర్ణాటక కాంగ్రెస్ చీఫ్ డీకే శివకుమార్, సీనియర్ నేత సిద్ధరామయ్య తదితరులు మేనిఫెస్టోను విడుదల చేశారు.
మేనిఫెస్టోలో కీలక అంశాలు ఇలా ఉన్నాయి.
ప్రతి ఇంటికి 200 యూనిట్లు ఉచిత విద్యుత్
గృహ లక్ష్మి ప్రాజెక్ట్ కింద ప్రతి కుటుంబ పెద్దకు రూ.2,000 భృతి
నిరుద్యోగ గ్రాడ్యుయేట్‌లకు రెండేళ్లపాటు నెలకు రూ.3,000అందజేత
నిరుద్యోగ డిప్లొమా హోల్డర్లకు నెలకు రూ.1500
బజరంగ్ దళ్, పీఎఫ్‌ఐ వంటి సంస్థలను నిషేధించాలని కాంగ్రెస్ ప్రతిపాదించింది.
కర్ణాటక
కాంగ్రెస్ వస్తే పారదర్శక టెండర్ వ్యవస్థ
ప్రజా పనుల్లో అవినీతికి పాల్పడిన వారిని శిక్షించడానికి ప్రత్యేక చట్టాన్ని అమలు చేసి పారదర్శక టెండర్ వ్యవస్థను రూపొందించనున్నట్లు కాంగ్రెస్ పేర్కొంది.
రాష్ట్రంలో కోర్టులను ఆధునీకరించేందుకు రూ.2,000 కోట్లతో ప్రత్యేక నిధిని ఏర్పాటు.
రాష్ట్రంలోని ప్రతి గ్రామ పంచాయతీలో హైస్పీడ్ వై-ఫై హాట్‌స్పాట్‌లను ఏర్పాటు.
కాంగ్రెస్ తన మేనిఫెస్టోలో కృషి సర్వోదయ నిధిని కూడా ప్రతిపాదించింది.
దీని కింద వ్యవసాయం, సబ్సిడీ, రుణం, బీమా ఆధునీకరణ కోసం ఐదేళ్లలో రూ.1.50 లక్షల కోట్లు కేటాయిస్తుంది.
కర్ణాటక
రాత్రి విధులు నిర్వహించే పోలీసులకు రూ. 5000 ప్రత్యేక భత్యం
డీప్ సీ ఫిషింగ్ కోసం ఏడాదికి 500లీటర్ల పన్ను రహిత డీజిల్ అందజేత.
గ్రామీణ మహిళలు/యువకులతో కూడిన గ్రామాల్లో కంపోస్ట్/ఎరువు కేంద్రాలను ఏర్పాటు.
రాత్రి విధుల్లో ఉన్న పోలీసు అధికారులకు నెలకు రూ. 5000 ప్రత్యేక భత్యం. సంవత్సరానికి ఒక నెల అదనపు వేతనం అందజేత.
జాతీయ విద్యా విధానానం(ఎన్‌ఈపీ) కంటే మెరుగైన రాష్ట్ర విద్యా విధానాన్ని కాంగ్రెస్ ప్రభుత్వం రూపొందిస్తుందని పేర్కొంది.
ఎస్సీల రిజర్వేషన్లు 15% నుంచి 17%, ఎస్టీలకు 3% నుంచి 7%, మైనారిటీ రిజర్వేషన్లు 4% పునరుద్ధరణ, లింగాయత్‌లు, వొక్కలిగ్గలు, ఇతర వర్గాల రిజర్వేషన్లను పెంచి 9వ షెడ్యూల్‌లో చేర్చేందుకు తమ పార్టీ కట్టుబడి ఉందని కాంగ్రెస్ మేనిఫెస్టోలో చెప్పింది.