శ్రీ సత్యసాయి జిల్లాలో ఘోరం..భర్త,అతని ప్రియురాలికి పాక్షికంగా గుండు కొట్టించిన భార్య
ఆంధ్రప్రదేశ్‌లోని శ్రీ సత్యసాయి జిల్లాలో ఒక మహిళ,ఆమె ప్రేమికుడు వివాహేతర సంబంధం కలిగి ఉన్నారనే అనుమానంతో వ్యక్తి భార్య,అత్తమామలు వారికి పాక్షికంగా గుండుకొట్టించి ఊరేగించినట్లు పోలీసులు తెలిపారు. హస్నాబాద్‌కు చెందిన షబానా(32)అనే మహిళతో తన భర్త హుస్సేన్ కు(30)వివాహేతర సంబంధం ఉన్నట్లు అనుమానించిన భార్య నజియా,ఆమె కుటుంబ సభ్యులతో కలిసి వారిని పట్టుకొని కట్టేయడమే కాకుండా పాక్షికంగా గుండు కొట్టించి గ్రామ వీధుల్లో ఊరేగించారు. అనంతరం,వారిని కట్టేసి ఆటో రిక్షాలో పోలీస్ స్టేషన్‌కు తీసుకువెళుతుండగా హుస్సేన్ తప్పించుకొని పారిపోయాడు. హుస్సేన్‌కి షబానాతో వివాహేతర సంబంధం ఉందని,ఈ కారణంగానే హుస్సేన్ భార్య షబానా నివాసం ఉంటున్న ప్రదేశానికి వెళ్లి వారిద్దరినీ పట్టుకొని గుండు కొట్టించిందని పోలీసులు తెలిపారు.
గుండు కొట్టించిన వీడియో సోషల్ మీడియాలో వైరల్
హుస్సేన్,షబానాకు గుండు కొడుతున్నపుడు నజియా కుటుంబసభ్యులు ఆ దృశ్యాలను చిత్రీకరించినట్లు హిందూపూర్ సబ్ డివిజనల్ పోలీసు అధికారి పి కంజాక్షన్ వార్తా సంస్థ పిటిఐకి తెలిపారు. హుస్సేన్, షబానాకు పాక్షికంగా గుండు కొట్టించిన వీడియోను నజియా కుటుంబ సభ్యులు సోషల్ మీడియాలో పోస్ట్ చెయ్యడంతో అది కాస్త వైరల్‌గా మారింది. నజియా, ఆమె కుటుంబ సభ్యులపై 506(నేరపూరిత బెదిరింపు), 355(ఒక వ్యక్తిని అగౌరవపరిచేలా దాడి చేయడం లేదా బలవంతం చేయడం),323 (స్వచ్ఛందంగా గాయపరచడం)లాంటి వివిధ భారతీయ శిక్షాస్మృతి సెక్షన్ల కింద జీరో ఎఫ్‌ఐఆర్ నమోదు చేసే ప్రక్రియలో పోలీసులు ఉన్నారు. కాగా, రెండేళ్ల క్రితమే నజియా భర్త నుంచి విడిపోయినట్టు పోలీసులు తెలిపారు.
