Delhi Blast: దిల్లీలోని సీఆర్పీఎఫ్ స్కూల్ వెలుపల భారీ పేలుడు
ఈ వార్తాకథనం ఏంటి
దిల్లీ నగరంలోని ప్రశాంత్ విహార్‌లోని సీఆర్పీఎఫ్ స్కూల్ బౌండరీ వాల్ సమీపంలో భారీ పేలుడు శబ్దం వినిపించింది. ఈ పేలుడు శబ్ధం కారణంగా ఆ ప్రాంతంలో భయాందోళన నెలకొంది. పేలుడు జరిగిన వెంటనే పెద్ద ఎత్తున పొగలు కమ్ముకోవడంతో స్థానికులు తీవ్ర భయంతో వణికిపోతున్నారు. ఘటన స్థలానికి ఢిల్లీ పోలీసులు, అగ్నిమాపక శాఖ బృందాలు చేరుకుని దర్యాప్తు చేస్తున్నారు. పేలుడు కారణాల గురించి సమాచారం సేకరించేందుకు పోలీసులు ఎఫ్‌ఎస్‌ఎల్ బృందాన్ని కూడా సంఘటనా స్థలానికి పిలిపించారు. ఈ ఘటనలో ఎలాంటి ప్రాణనష్టం సంభవించినట్లు ఇంకా సమాచారం లేదు.
ట్విట్టర్ పోస్ట్ చేయండి
పేలుడు వీడియో ఇదే..
Delhi A blast has been reported outside CRPF school in the Prashant Vihar area of Rohini district. The fire department was informed about the incident at around 7:50 am, after which two fire brigades were immediately dispatched pic.twitter.com/jKw0qIfFgY
— Vinay Tiwari (@vinaytiwari9697) October 20, 2024
వివరాలు
సిలిండర్ పేలుడు జరిగే అవకాశం
పేలుడుకు అసలు కారణాలను తెలుసుకోవడానికి నిపుణులను పిలిపించామని రోహిణి డీసీపీ అమిత్ గోయల్ తెలిపారు. ప్రస్తుతం ఇది ఏ రకమైన పేలుడు, దాని మూలం ఏమిటో స్పష్టంగా తెలియదని ఆయన చెప్పారు. ఈ ఘటనపై నిపుణుల బృందం సమగ్ర విచారణ చేస్తోంది, త్వరలోనే పరిస్థితి తేలుతుందని డీసీపీ తెలిపారు. పేలుడు శబ్దం పెద్దగా వినిపించడంతో సమీపంలోని వాహనాల అద్దాలు కూడా పగిలిపోయాయని సంబంధిత వర్గాలు వెల్లడించాయి. సీఆర్పీఎఫ్ పాఠశాల గోడ చుట్టూ కొన్ని దుకాణాలు ఉన్నాయి, అయితే అక్కడి వారు సిలిండర్ పేలుడు జరిగే అవకాశం ఉందని భావిస్తున్నారు. అయితే, ఇంకా స్పష్టంగా ఏమీ వెల్లడి కాలేదు.