Delhi Fire Accident: ఢిల్లీలోని అలీపూర్‌లోని పెయింట్ ఫ్యాక్టరీలో అగ్ని ప్రమాదం.. 11 మంది మృతి
ఈ వార్తాకథనం ఏంటి
దిల్లీలోని అలీపూర్‌లోని దయాల్‌పూర్ మార్కెట్‌లో గురువారం పెయింట్ ఫ్యాక్టరీలో మంటలు చెలరేగడంతో 11 మంది సజీవ దహనం అయ్యారు.
మృతుల సంఖ్య మరింత పెరిగే ఛాన్స్ ఉంది. ఢిల్లీ ఫైర్ సర్వీస్ (DFS) నుండి ఒక అధికారి మాట్లాడుతూ, ఫ్యాక్టరీలో అగ్నిప్రమాదం గురించి సాయంత్రం 5.30 గంటల సమయంలో తమకు కాల్ వచ్చిందని, 22 టెండర్లను సేవలో ఉంచామని తెలిపారు.
అయితే, పోలీసులు తెలిపిన వివరాల ప్రకారం.. ఫ్యాక్టరీలో పేలుడు సంభవించి భారీ ఎత్తున మంటలు చెలరేగాయి..ఈ ఘటనలో ఇప్పటి వరకు 11 మంది మృతి చెందారని.. మృతదేహాలు పూర్తిగా కాలిపోవడంతో మృతులను గుర్తించడం కష్టంగా మారిందన్నారు.
Details
గాయపడిన వారిలో ఫ్యాక్టరీ కార్మికులు
పేలుడు కారణంగా సమీపంలోని కొన్ని ఇళ్లు, దుకాణాలు కూడా అగ్నికి ఆహుతయ్యాయి.గాయపడిన వారిలో ఫ్యాక్టరీ కార్మికులు కూడా ఉన్నారు అని పోలీసులు తెలిపారు.
పోలీసులు తెలిపిన వివరాల ప్రకారం.. అగ్నిప్రమాదానికి ముందు ఫ్యాక్టరీలో పేలుడు సంభవించింది.
తదుపరి విచారణ కొనసాగుతోందని పోలీసులు తెలిపారు.
ఇటీవల, జనవరి 26న ఢిల్లీలోని షహదారా ప్రాంతంలో బహుళ అంతస్తుల భవనంలోని గ్రౌండ్ ఫ్లోర్‌లోని ఓ ఇంట్లో మంటలు చెలరేగడంతో తొమ్మిది నెలల చిన్నారి సహా నలుగురు వ్యక్తులు ఊపిరాడక మరణించగా, ఇద్దరు గాయపడ్డారు.
అదేవిధంగా, జనవరి 18న వాయువ్య ఢిల్లీలోని పితంపురాలో బహుళ అంతస్తుల భవనంలో జరిగిన అగ్నిప్రమాదంలో నలుగురు మహిళలు సహా ఆరుగురు మరణించారు.