Momos: మోమోస్ తయారీలో కుక్క మాంసం కల్తీ?.. పోలీసుల కేసు నమోదు
ఈ వార్తాకథనం ఏంటి
బయట ఆహారాలకు ఆసక్తి చూపే వారు చాలామంది ఉన్నా అవి ఎక్కడ, ఎలా తయారవుతాయో ఎప్పుడైనా ఆలోచించారా? "మేకింగ్ ఎందుకు? ఈటింగ్ మాత్రమే మాకు కావాలి!" అనుకునే వారికి ఈ ఘటన షాక్ తగిలించేంత భయంకరంగా మారింది. పంజాబ్ రాష్ట్రంలోని మొహాలీ జిల్లా మాటౌర్ గ్రామంలో అక్రమంగా నడుస్తున్న మోమో, స్ప్రింగ్ రోల్ తయారీ యూనిట్‌పై మున్సిపల్ కార్పొరేషన్ వైద్య బృందం దాడి చేసింది. ఈ దాడుల్లో ఫ్రీజర్‌లో కుక్క తల, కుళ్లిపోయిన కూరగాయలు, అపరిశుభ్రమైన వాతావరణంలో నిల్వ ఉంచిన మాంసం లభ్యమైంది . మోమోలు తయారు చేసే ప్రదేశం అసహ్యకరమైన స్థితిలో ఉండటంతో, అధికారులు విస్తుపోయారు. ఫ్రీజ్‌లో ఉన్న మాంసం ఏ జంతువిదో తెలుసుకునేందుకు అధికారులు దర్యాప్తు ప్రారంభించారు.
Details
ల్యాట్ టెస్టింగ్ కు మాంసం
అసిస్టెంట్ ఫుడ్ సేఫ్టీ కమిషనర్ డాక్టర్ అమృత్ వారింగ్ మాట్లాడుతూ మోమోస్ తయారీ యూనిట్‌పై దాడి నిర్వహించాం. ఫ్యాక్టరీ ఫ్రీజ్‌లో కుక్క తల బయటపడింది. ఫ్యాక్టరీ నిర్వాహకులపై చట్టపరమైన చర్యలు తీసుకునేందుకు పోలీసులకు సమాచారం అందించాం. అయితే, మోమోల తయారీలో ఈ మాంసాన్ని ఉపయోగించలేదని, తాము తింటామని ఫ్యాక్టరీ కార్మికులు చెప్పడం గమనార్హం. మోమోస్, స్ప్రింగ్ రోల్స్‌తో పాటు చట్నీ నమూనాలను కూడా ల్యాబ్ టెస్టింగ్‌కు పంపించామన్నారు.
Details
ఫ్రిజ్ లో కుళ్లిన మాంసం
ఫ్రీజ్‌లో కుప్పలు కుప్పలుగా కుళ్లిపోయిన మాంసం నిల్వ ఉన్నట్లు గుర్తించాం" అని తెలిపారు. ఈ యూనిట్‌ను నడుపుతున్న విక్రేతలు నేపాల్‌కు చెందినవారని సమాచారం. మొహాలి సివిల్ సర్జన్ డాక్టర్ సంగీత జైనా ఈ కేసుపై దర్యాప్తు కొనసాగుతోందని తెలిపారు. అక్రమంగా మాంసాన్ని నిల్వ ఉంచడమే కాకుండా, దాన్ని వినియోగిస్తున్నారా లేదా అనే అంశంపై పూర్తి పరిశీలన జరుగుతోంది. ప్రస్తుతం పరీక్షల కోసం మోమోస్, స్ప్రింగ్ రోల్స్ నమూనాలను ల్యాబ్‌కు పంపించినట్లు అధికారులు తెలిపారు. ఈ సంఘటన బయటకొచ్చిన తర్వాత బయట ఫుడ్ తినడంపై ప్రజల్లో భయం నెలకొంది.
ట్విట్టర్ పోస్ట్ చేయండి
వైరల్ అయిన వీడియో ఇదే
If you eat Momos and Spring Rolls from street food vendors in Mohali, make sure to watch this video! Visuals from Mataur, Mohali, show locals raiding a place where momos and spring rolls were being prepared. These items were being supplied to various fast food stalls across… pic.twitter.com/r5nnGgymSj
— Gagandeep Singh (@Gagan4344) March 16, 2025