Earthquakes : ప్రకాశం జిల్లాలో మరోసారి భూ ప్రకంపనలు.. భయంతో ప్రజలు బయటకి పరుగులు
ప్రకాశం జిల్లాలో మరోసారి భూ ప్రకంపనలు రావడంతో ప్రజలు భయాందోళనకు గురయ్యారు. ఆదివారం ఉదయం 10:40 గంటలకు ముండ్లమూరులో రెండు సెకన్ల పాటు భూమి కంపించింది. ఈ ప్రకంపనలు మొదలైన వెంటనే ప్రజలు భయంతో ఇళ్ల నుంచి బయటకు పరుగులు తీశారు. శనివారం 10:35 గంటల సమయంలో కూడా ముండ్లమూరు, తాళ్లూరు, దర్శి, కురిచేడు మండలాల్లో భూ ప్రకంపనలొచ్చాయి.
మూడేళ్లుగా ఈ ప్రాంతంలో తరచుగా స్వల్ప భూ ప్రకంపనలు
రిక్టర్ స్కేల్‌పై ఈ ప్రకంపనలను 3.1గా నమోదుచేశారు. ఈ భూ ప్రకంపనల కారణంగా గుండ్లకమ్మ నది పరిసర ప్రాంతాల్లో జరుగుతున్న అంతర్గత మార్పులు అనుసంధానించారు. మూడేళ్లుగా ఈ ప్రాంతంలో తరచుగా స్వల్ప భూ ప్రకంపనలు సంభవిస్తున్నాయి. దీంతో ప్రజలు ఆందోళన చెందుతున్నారు.
