ఏపీ, తెలంగాణలో ఘనంగా ఏరువాక పౌర్ణమి; వ్యవసాయ పనులు షూరూ
ఈ వార్తాకథనం ఏంటి
తెలుగు రాష్ట్రాలైన ఆంధ్రప్రదేశ్, తెలంగాణలో జ్యేష్ట సుధా పౌర్ణమి నాడు రైతులు 'ఏరువాక' జరుపుకోవడం సంప్రదాయం. ఇది నైరుతి రుతుపవనాల ఆగమనాన్ని సూచిస్తుంది.
ఈ క్రమంలో రెండు రాష్ట్రాల్లో రైతులు 'ఏరువాక' పున్నమిని ఘనంగా జరుపుకున్నారు.
వ్యవసాయ పనులు సజావుగా సాగి, అధిక దిగుబడులు సాధించాలని రైతులు పశువులను, చెక్క నాగళ్లను అలంకరించి, వ్యవసాయ పొలాలను శుభ్రం చేసి భూమికి పూజలు నిర్వహించారు.
ఏరువాక పౌర్ణమిని పురస్కరించుకుని కొందరు రైతులు పొలాల్లో నారు పోశారు.
వ్యవసాయం
ఎద్దులతో కలిసి హీరోల వేషధారణలో యువకుల హల్‌చల్
ఆంధ్రప్రదేశ్‌లోని మచిలీపట్నం, కాకినాడలో కర్నూలు జిల్లాల్లో ఏరువాక కార్యక్రమంలో భాగంగా ఎద్దులు పోటీలు నిర్వహించారు.
ఎద్దులను శుభ్రంగా కడిగి, వాటి మెడకు గజ్జెల కట్టి, వాటి కొమ్ములకు రంగులద్ది వాటిని అందంగా అలంకరించారు. ఈ సందర్భంగా నిర్వహించిన ఎద్దుల పోటీలు ఆకట్టుకున్నాయి.
అయితే కర్నూలులోని ఎమ్మిగనూరులో ఎద్దులతో యువకులు ప్రత్యేక ప్రదర్శన నిర్వహించారు.
హీరోల గెటల్‌లతో యువకులతో సందడి చేశారు. జూనియర్ ఎన్టీఆర్, రామ్ చరణ్, అల్లు అర్జున్ లాంటి పాపులర్ హీరోల వేషధారణలో యువకులు హల్ చల్ చేశారు.