Air india Flight Crash: విమాన ప్రమాదంలో గుజరాత్ మాజీ సీఎం విజయ్ రూపానీ మృతి
ఈ వార్తాకథనం ఏంటి
ఎయిరిండియా విమాన ప్రమాదంలో గుజరాత్ మాజీ ముఖ్యమంత్రి,భాజపా సీనియర్ నేత విజయ్ రూపానీ ప్రాణాలు కోల్పోయారు.
ఈ విషాదకర సమాచారాన్ని కేంద్ర మంత్రి,గుజరాత్ భాజపా రాష్ట్ర అధ్యక్షుడు సీఆర్ పాటిల్ అధికారికంగా ధ్రువీకరించారు.
సమాచారం మేరకు, లండన్‌లో నివసిస్తున్న తన కుమార్తెను చూసేందుకు విజయ్ రూపానీ ప్రయాణానికి సిద్ధమయ్యారు.
ఈ ప్రయాణం కోసం ఆయన టికెట్ బుక్ చేసినట్టు తెలుస్తోంది.
ప్రమాదం జరిగిన వెంటనే విజయ్ రూపానీ పేరిట ఉన్న ఒక విమాన టికెట్ సోషల్ మీడియాలో వేగంగా వైరల్ అయింది.
అనంతరం వచ్చిన ప్రయాణికుల జాబితాలో కూడా రూపానీ పేరు ఉండటంతో, ఆయన పరిస్థితి గురించి చాలా మంది ఆరా తీశారు.
వివరాలు
ప్రమాదంలో దుర్మరణం చెందిన చిన్న కుమారుడు
ఈ పరిణామాల మధ్య, భాజపా పార్టీ ఆయన మృతిని అధికారికంగా ప్రకటించింది.
విజయ్ రామ్‌నిక్‌లాల్‌భాయ్ రూపానీ, భాజపాలో కీలక నేతగా 2016 నుంచి 2021 వరకు రెండు సార్లు గుజరాత్ ముఖ్యమంత్రిగా పదవిలో కొనసాగారు.
ఆయనకు ఇద్దరు కుమారులు, ఒక కుమార్తె ఉన్నారు. అయితే, చిన్న కుమారుడు పూజిత్ గతంలో జరిగిన ఒక ప్రమాదంలో దుర్మరణం పాలయ్యాడు.