Fire accident: అదానీ ఆయిల్ గోదాంలో అగ్ని ప్రమాదం.. బాంబుల్లా పేలుతున్న నూనే, నెయ్యి డబ్బాలు
ఈ వార్తాకథనం ఏంటి
ఉత్తర్‌ప్రదేశ్‌ సహరాన్‌పూర్‌లోని అదానీ గ్రూప్ కంపెనీలో ఘోర అగ్నిప్రమాదం సంభవించింది.
శనివారం అర్థరాత్రి బెహత్ రోడ్‌లోని రసూల్‌పూర్‌లోని నెయ్యి-నూనె గిడ్డంగిలో ఈ మంటలు చెలరేగాయి. ఇంకా మంటలు అదుపులోకి రాకపోవడం గమనార్హం.
మంటలను ఆర్పేందుకు సహరాన్‌పూర్, అమ్రోహా, మీరట్, ముజఫర్‌నగర్ అగ్నిమాపక సిబ్బంది మంటలను అదుపు చేసేందుకు ప్రయత్నిస్తున్నారు.
అగ్నిప్రమాదానికి షార్ట్‌సర్క్యూటే కారణమని భావిస్తున్నారు. గోదాములో నెయ్యి, నూనె డబ్బాలు ఉండటంతో మంటలు ఎగిసిపడుతున్నాయి. నూనె, నెయ్యి డబ్బాలు మంటలు అంటుకొని, బాంబుల్లా పైకి లేస్తున్నాయి.
అదానీ
రూ.60 కోట్ల ఆస్తి నష్టం
గోదాం అధిక జనాభా ఉన్న ప్రాంతంలో నిర్మించడంతో.. అగ్నిప్రమాదం కారణంగా వ్యాపిస్తున్న పొగకు స్థానిక ప్రజలు ఇబ్బంది పడుతున్నారు.
ఊపిరి పీల్చుకోవడానికి కూడా ప్రజలు అవస్థలు పడుతున్నారు. మంటలను ఆర్పేందుకు అగ్నిమాపక సిబ్బంది తీవ్రంగా శ్రమిస్తున్నారు.
నెయ్యి, నూనె వల్ల మంటలు ఆర్పడానికి బదులు ఎక్కువ వ్యాపిస్తున్నట్లు అగ్నిమాపక దళ సిబ్బంది చెప్పారు. ఈ క్రమంలోనే మంటలు అదుపుకావడం లేదని అధికారులు చెబుతున్నారు.
అగ్నిప్రమాదం కారణంగా గోదాములో రూ.60 కోట్లకు పైగా విలువైన వస్తువులు కాలి బూడిదైనట్లు అధికారులు అంచనా వేస్తున్నారు.