Ladakh: లద్దాఖ్లో పెద్ద మార్పు.. ఐదు కొత్త జిల్లాలపై అధికారిక ప్రకటన
ఈ వార్తాకథనం ఏంటి
లద్దాఖ్ కేంద్రపాలిత ప్రాంతంలో మరో ఐదు కొత్త జిల్లాలు ఏర్పాటు చేయడానికి మార్గం సుగమమైంది. ఈ విషయాన్ని లెఫ్టినెంట్ గవర్నర్ వీకే సక్సేనా వెల్లడించారు. కొత్త జిల్లాల ఏర్పాటుకు సంబంధించి కేంద్ర ప్రభుత్వం జారీ చేసిన నోటిఫికేషన్కు తాను ఆమోదం తెలిపినట్లు ఎక్స్ వేదికగా తెలిపారు. దీనిని ఆయన చారిత్రాత్మక సందర్భంగా పేర్కొన్నారు. ప్రజలు చాలా కాలంగా ఎదురుచూస్తున్న అభిలాష నెరవేరిందన్నారు.
వివరాలు
కొత్త జిల్లాలు ఏవంటే..
కొత్తగా ఏర్పడనున్న జిల్లాల పేర్లను కూడా ప్రకటించారు. అవి జన్స్కర్, ద్రాస్, షామ్, నుబ్రా, చాంగ్థాంగ్. ప్రస్తుతం లద్దాఖ్లో లేహ్, కార్గిల్ అనే రెండు జిల్లాలు ఉన్నాయి. ఈ ఐదు జిల్లాలు కలిస్తే మొత్తం జిల్లాల సంఖ్య ఏడుకు చేరనుంది. కొత్త జిల్లాల ఏర్పాటుతో పరిపాలన మరింత సులభతరం అవుతుందని, అభివృద్ధికి వేగం పెరుగుతుందని, ఉపాధి అవకాశాలు కూడా విస్తరించనున్నాయని వీకే సక్సేనా తెలిపారు. 2019లో ఆర్టికల్ 370 రద్దు అనంతరం జమ్మూకశ్మీర్ను రెండు కేంద్రపాలిత ప్రాంతాలుగా విభజించారు. అందులో శాసనసభ లేని కేంద్రపాలిత ప్రాంతంగా లద్దాఖ్ ప్రస్తుతం కేంద్ర హోంమంత్రిత్వ శాఖ ఆధ్వర్యంలో కొనసాగుతోంది.