నేడు బీజేపీలోకి మాజీ ముఖ్యమంత్రి కిరణ్ కుమార్ రెడ్డి!
ఉమ్మడి ఆంధ్రప్రదేశ్ చివరి ముఖ్యమంత్రి నల్లారి కిరణ్ కుమార్ రెడ్డి శుక్రవారం బీజేపీలో చేరనున్నట్లు తెలుస్తోంది. బీజేపీ కేంద్ర పెద్దల సమక్షంలో ఆయన ఆయన పార్టీలో చేరనున్నారు. మార్చిలో కిరణ్ కుమార్ రెడ్డి కాంగ్రెస్‌కు రాజీనామా చేశారు. అప్పటి నుంచి ఆయన కాషాయ పార్టీలో చేరే అవకాశం ఉందని ఊహాగానాలు ఉన్నాయి. కిరణ్ కుమార్ రెడ్డి నవంబర్ 2010లో ఆంధ్రప్రదేశ్ ముఖ్యమంత్రిగా బాధ్యతలు చేపట్టారు.
2014లో 'జై సమైక్యాంధ్ర పార్టీ'ని ఏర్పాటు
కాంగ్రెస్ నేతృత్వంలోని యూపీఏ ప్రభుత్వం రాష్ట్రాన్ని ఆంధ్రప్రదేశ్, తెలంగాణగా విభజించాలనే నిర్ణయాన్ని వ్యతిరేకిస్తూ మార్చి 2014లో హస్తం పార్టీకి రాజీనామా చేశారు. ఆ తర్వాత కిరణ్ కుమార్ రెడ్డి సొంత రాజకీయ పార్టీ 'జై సమైక్యాంధ్ర పార్టీ'ని ఏర్పాటు చేశారు. 2014 సార్వత్రిక ఎన్నికలలో కిరణ్ కుమార్ రెడ్డి పార్టీ ఘోర ఓటమిని చవిచూసింది. దీంతో ఆ తర్వాత ఆ పార్టీని కిరణ్ కుమార్ రెడ్డి రద్దు చేశారు. 2018లో తిరిగి కాంగ్రెస్‌లో చేరారు. తాజాగా గత నెల మళ్లీ కాంగ్రెస్‌కు రాజీనామా చేసి, బీజేపీలో చేరేందుకు సిద్ధమయ్యారు.
ఈ టైమ్ లైన్ ని షేర్ చేయండి