నేడు ఖర్గే సమక్షంలో కాంగ్రెస్‌లో చేరనున్న మాజీ మంత్రి జూపల్లి
ఈ వార్తాకథనం ఏంటి
తెలంగాణ రాజకీయాలు హీటెక్కాయి. ఈ మేరకు రాష్ట్రంలో అధికార బీఆర్ఎస్, బీజేపీ, కాంగ్రెస్ పార్టీలు ఇప్పటికే ఎన్నికలకు కసరత్తులు ప్రారంభించాయి. ఈ క్రమంలోనే ఉమ్మడి మహబూబ్నగర్ జిల్లాకు చెందిన మాజీ మంత్రి జూపల్లి కృష్ణారావు కాంగ్రెస్ పార్టీలో చేరనున్నారు.
ఎమ్మెల్సీ కూచుకుళ్ల దామోదర్ రెడ్డి తనయుడు రాజేష్ రెడ్డి, వనపర్తి ఎంపీపీ మేఘారెడ్డి, కొడంగల్ మాజీ ఎమ్మెల్యే గురునాథ్ రెడ్డి, కంటోన్మెంట్ శ్రీవర్ధన్ తదితరులు బుధవారం కాంగ్రెస్ అధ్యక్షుడు మల్లికార్జున ఖర్గే సమక్షంలో హస్తం గూటికి చేరనున్నారు.
జిల్లాలోని కొల్లాపూర్ లో భారీ బహిరంగ సభ ఏర్పాటు చేయాలనుకున్నారు. సభకు ప్రియాంక గాంధీని ముఖ్య అతిథిగా రప్పించేందుకు ప్లాన్ రెఢీ చేశారు. వర్షాల కారణంగా రెండు సార్లు ఆమె టూర్ వాయిదా పడింది.
DETAILS
దిల్లీలో జూపల్లి వెంట టీపీసీసీ ఉపాధ్యక్షుడు మల్లు రవి
దేశ రాజధాని దిల్లీ వేదికగా బుధవారం జూపల్లి సహా ఇతరులు కాంగ్రెస్ తీర్థం పుచ్చుకోబోతున్నారు. ఇందుకోసం మంగళవారం సాయంత్రమే జూపల్లితో పాటు మరికొందరు నేతలు, అనుచరులు హస్తినా బాట పట్టారు.
దిల్లీలో జూపల్లి వెంట టీపీసీసీ ఉపాధ్యక్షుడు మల్లు రవి కూడా ఉన్నారు.
మరోవైపు సీనియర్‌ నేత జగదీశ్వర్‌రావుకు కొల్లాపూర్ టిక్కెట్‌ ఇవ్వాలని డిమాండ్ పెరుగుతోంది. ఏప్రిల్ 11న కొల్లాపూర్‌లో ర్యాలీ నిర్వహించిన జగదీశ్వర్‌రావు తన అనుచరులతో నిర్వహించిన సమావేశంలో మల్లు రవి, నాగం పాల్గొన్నారు.
జగదీశ్వర్‌ రావుకే టిక్కెట్‌ ఇవ్వాలని స్థానిక కార్యకర్తలు కోరుతున్నారు.ఈ అంశాన్ని హైకమాండ్ దృష్టికి తీసుకెళ్లాలని మల్లు రవికి నాగం విజ్ఞప్తి చేశారు. గెలుపే లక్ష్యంగా టిక్కెట్లు కేటాయిస్తామని మల్లు రవి సర్దిచెప్పేందుకు ప్రయత్నించారు.