రాజ‌స్థాన్‌లో ఘోరం.. కుటుంబాన్ని చంపి ఇంట్లోనే తగలబెట్టిన దుండగలు
ఈ వార్తాకథనం ఏంటి
రాజ‌స్థాన్‌లోని జోధ్‌పూర్ కు స‌మీప గ్రామంలో ఘోరం చోటు చేసుకుంది. ఒకే కుటుంబానికి చెందిన న‌లుగురు వ్యక్తులను దారుణంగా గొంతు కోసి అనంతరం ఆధారాలు దొరకకుండా దహనం చేశారు.
ఈ ఘటనలో న‌లుగురు కాలి బూడిదైన విషాద సంఘటన దేశవ్యాప్తంగా కలకలం రేపుతోంది.
మృతుల్లో ఓ ఆర్నెళ్ల చిన్నారి కూడా ఉండటం తీవ్ర విచారకరంగా మారింది. జోధ్‌పూర్ నగరానికి 50 కిలోమీట‌ర్ల దూరంలో ఉన్న ఓసియాన్ స‌మీపంలోని చౌరాయి గ్రామంలో ఈ అమానుషం జ‌రిగింది.
ఈ నేపథ్యంలో రాజకీయ ప్రకంపణలూ చెలరేగాయి. ముఖ్యమంత్రి అశోక్ గెహ్లాట్ నేతృత్వంలోని ప్ర‌భుత్వ నిర్లక్ష్యాన్ని ప్రతిపక్ష పార్టీలు తీవ్రంగా ఖండిస్తున్నాయి. ఈ మేరకు ఆందోళ‌నలు వ్యక్తం చేశాయి.
DETAILS
వ్య‌క్తిగ‌త క‌క్షసాధింపు వ‌ల్లే ఈ హ‌త్య‌లు : పోలీసులు
సాక్షాత్తు రాజస్థాన్ ముఖ్యమంత్రి గెహ్లాట్ సొంత జిల్లాలోనే ఈ ఘోరం వెలుగుచూడటం పట్ల ప్రతిపక్ష బీజేపీ ఆగ్రహం వ్యక్తం చేస్తోంది. చౌరాయిలో గ‌త రాత్రి జరిగిన ఘటనలో పునరమ్ (55) ఏళ్ల వ్య‌క్తి నివాసాన్ని కాల్చిబూడిద చేశారు.
ఈ ఘటనలో పునరమ్ సహా ఆయ‌న భార్య భ‌న్వ‌రి (50) కోడ‌లు దాపు (23), ఆమె కుమార్తె 6 ఏళ్ల పసిబాలిక అవశేషాలను పోలీసులు గుర్తించారు. ఆ శ‌రీరాలు మంట‌ల్లో పూర్తిగా కాలిపోయినట్లు నిర్దారించారు.
ముందుగా గొంతులు కోసిన దుండగలు తర్వాత దహనానికి పాల్ప‌డిన‌ట్లు ప్రాథమిక విచారణలో తేల్చారు.వ్య‌క్తిగ‌త క‌క్షసాధింపు వ‌ల్లే ఈ హ‌త్య‌లు చోటు చేసుకుని ఉండొచ్చనే కోణంలో ఆరా తీస్తున్నారు. అన్ని కోణాల్లో ఈ కేసును ద‌ర్యాప్తు చేస్తున్నామని పోలీసులు తెలిపారు.