సచివాలయ ఉద్యోగులకు శుభవార్త.. ప్రొబేషన్ ఖరారు చేసిన ఆంధ్రప్రదేశ్ ప్రభుత్వం
ఈ వార్తాకథనం ఏంటి
ఆంధ్రప్రదేశ్ గ్రామ, వార్డు సచివాలయాల్లో పనిచేస్తున్న ఉద్యోగులకు వైఎస్ జగన్మోహన్ రెడ్డి ప్రభుత్వం శుభవార్త చెప్పింది.
రెండో విడత నోటిఫికేషన్ ద్వారా సచివాలయాల్లో ఉద్యోగాలు పొందిన వారికి ప్రొబేషన్ ఖరారు చేస్తూ ఆంధ్రప్రదేశ్ సర్కారు ఉత్తర్వులు జారీ చేసింది.
2020లో విడుదల చేసిన నోటిఫికేషన్ ద్వారా ఉద్యోగాలు పొందిన వారందరూ ప్రస్తుతం నెలకు రూ.15 వేలు వేతనం పొందుతున్నారు.
ప్రొబేషన్ పూర్తయిన గ్రేడ్‌ 5 పంచాయతీ కార్యదర్శులు, వార్డు పరిపాలనా కార్యదర్శులు ప్రస్తుతం రూ. 23,120 అందుకుంటున్నారు. డీఏ, హెచ్ఆర్ఏ కలిపిన తర్వాత వారి జీతం రూ. 29,598 పెరుగుతుంది.
ఏపీ
పెరిగిన వేతనాలు మే 1నుంచి అమలు
మిగిలిన 17శాఖల ఉద్యోగులకు ప్రస్తుతం రూ.22,460 అందుతుండగా.. డీఏ, హెచ్ఆర్ఏ కలిపి రూ. 28,753 జీతం పెరుగుతుందని అధికారులు తెలిపారు.
పట్టణ ప్రాంతాల్లో కొంతమందికి హెచ్ఆర్ఏ స్లాబ్ ప్రకారం కొంచెం ఎక్కువ జీతం లభిస్తుంది.
పెరిగిన వేతనాలు మే 1నుంచి అమల్లోకి రానున్నాయి. అంటే జూన్ 1నుంచి పెరిగిన వేతనం ఖాతాల్లో పడనుంది.
రాష్ట్రవ్యాప్తంగా గ్రామ వార్డు సచివాలయాల్లో 19 రకాల ఉద్యోగులు పనిచేస్తున్నారు. వీటిలో 1.34 లక్షల శాశ్వత ప్రభుత్వ ఉద్యోగాలు సృష్టించబడ్డాయి.