Andhra Pradesh: గ్రామ, వార్డు సచివాలయ ఉద్యోగులకు శుభవార్త.. మంత్రి కీలక ప్రకటన
ఈ వార్తాకథనం ఏంటి
ఏపీలో గ్రామ, వార్డు సచివాలయ ఉద్యోగులపై మంత్రి డోలా శ్రీబాల వీరాంజనేయస్వామి శుభవార్త వెల్లడించారు. ఉద్యోగాలను తొలగించే అంశంపై వస్తున్న వార్తలను మంత్రి స్పష్టంగా ఖండించారు. ఉద్యోగులకు ఎలాంటి భయం లేకుండా, అటువంటి వదంతులను నమ్మవద్దని కోరారు. ఇక, ఏపీ ప్రభుత్వం గ్రామ, వార్డు సచివాలయ ఉద్యోగుల రేషనలైజేషన్ ప్రక్రియను ప్రారంభించింది. సోమవారం ఈ అంశంపై మంత్రి ఉద్యోగ సంఘాల ప్రతినిధులతో సమావేశమై, పదోన్నతులు, పీఆర్సీ తదితర విషయాలను చర్చించారు. మంత్రి డోలా శ్రీబాల వీరాంజనేయస్వామి, గ్రామ, వార్డు సచివాలయ ఉద్యోగులను ఏ, బీ, సీ కేటగిరీలలో విభజించి, హేతుబద్ధీకరణ చేపడతామని ప్రకటించారు.
Details
జనాభా ఆధారంగా సర్దుబాటు చేస్తాం
ఇది సమాజంలో కొన్నిచోట్ల ఉద్యోగుల సంఖ్య ఎక్కువగా, మరి కొన్నిచోట్ల తక్కువగా ఉండటంతో, ప్రభుత్వం ఉద్యోగాల కేటాయింపును జనాభా ఆధారంగా సర్దుబాటు చేయనుంది. ఈ ప్రక్రియ ద్వారా, గ్రామ, వార్డు సచివాలయాలలో 1,30,694 మంది ఉద్యోగుల కోసం సరిపడే రేషనలైజేషన్ జరుగుతుంది. అంతేకాకుండా, మంత్రి డోలా శ్రీబాల వీరాంజనేయస్వామి సర్వీసు నిబంధనల రూపకల్పన కోసం సీనియర్ అధికారులతో కమిటీ ఏర్పాటు చేస్తామని తెలిపారు. మహిళా పోలీసులపై తీసుకోనున్న నిర్ణయాలు కూడా త్వరలో ప్రకటించనున్నట్లు చెప్పారు.