Ramzan: తెలంగాణలో ముస్లిం ఉద్యోగుల కోసం ప్రభుత్వం కీలక నిర్ణయం
ఈ వార్తాకథనం ఏంటి
తెలంగాణ ప్రభుత్వం రంజాన్ మాసాన్ని పురస్కరించుకుని ముస్లిం ఉద్యోగుల కోసం కీలక నిర్ణయం తీసుకుంది. ముస్లిం ఉద్యోగులు తమ మతపరమైన ఆచారాలు పాటించేందుకు ప్రత్యేక రాయితీ ప్రకటిస్తూ, రోజువారీ పని సమయాన్ని ఒక గంట తగ్గించాలని నిర్ణయించింది. ఈ మార్పు మార్చి 2 నుండి మార్చి 31 వరకు రాష్ట్రంలోని ప్రభుత్వ ఉద్యోగులు, టీచర్లు, కాంట్రాక్ట్ వర్కర్లు, ఇతర సిబ్బందికి వర్తించనుంది. ఈ నిర్ణయం ప్రకారం, ముస్లిం ఉద్యోగులు సాయంత్రం 4 గంటలకే విధుల నుంచి విముక్తి పొంది, రంజాన్ ప్రార్థనల్లో పాల్గొనే అవకాశం పొందుతారు. ప్రతేడాది ముస్లిం ఉద్యోగుల మతపరమైన ఆచారాలను గౌరవిస్తూ, తెలంగాణ ప్రభుత్వం ఈ విధమైన సడలింపులను ప్రకటిస్తుంది.
Details
ముస్లిం ఉద్యోగులకు మరింత మద్దతు
తెలంగాణ ప్రభుత్వం ముస్లిం ప్రజల అవసరాలను దృష్టిలో ఉంచుకుని, రంజాన్ వేడుకల నిర్వహణ, ప్రత్యేక రేషన్ సరఫరా, మసీదుల వద్ద వసతులు, ట్రాఫిక్ నియంత్రణ తదితర చర్యలను చేపడుతుంది. మతపరమైన విధులు ఆపట్లుగా సాగేందుకు అవసరమైన అన్ని ఏర్పాట్లను తీసుకోవాలని సీఎం రేవంత్ రెడ్డి సంబంధిత శాఖల అధికారులకు సూచించారు. ఈ నిర్ణయంతో ముస్లిం ఉద్యోగులకు మరింత మద్దతు లభించనుంది. గతంలో కూడా ప్రభుత్వం ఇలాంటి నిర్ణయాలను తీసుకుని మతపరమైన సంస్కృతిని గౌరవిస్తూ ఆచరణలో పెట్టింది. ఇప్పటికీ మతపరమైన పండుగల సందర్భంలో ప్రభుత్వ సానుకూల నిర్ణయాలు ఉండాలని అంచనా వేస్తున్నారు.