సూడాన్‌లో చిక్కుకున్న ప్రతి భారతీయుడిని రక్షించడమే ప్రభుత్వ లక్ష్యం: విదేశాంగ కార్యదర్శి
సూడాన్‌లో చిక్కుకున్న ప్రతి భారతీయుడిని సురక్షింతంగా స్వదేశానికి తరలించడమే ప్రభుత్వ లక్ష్యమని గురువారం విదేశాంగ కార్యదర్శి వినయ్ క్వాత్రా స్పష్టం చేశారు. దాదాపు 3,400 మంది భారతీయ పౌరులు ఆన్‌లైన్‌లో నమోదు చేసుకున్నారని, 'ఆపరేషన్ కావేరి' ద్వారా 1,700మందికి పైగా సూడాన్‌లోని పోరాటం జరుగుతున్న ప్రాంతాల నుంచి ఇండియాకు తరలించబడినట్లు చెప్పారు. కొంతమంది యుద్దం జరుగుతున్న ప్రాంతాల్లో చిక్కుకున్నారు. ఆ ప్రాంతాల నుంచి సురక్షిత ప్రాంతాలకు రాలేక ఇబ్బంది పడుతున్నారు. వారిని త్వరగా సూడాన్‌ పోర్ట్‌కు రోడ్డు మార్గంలో తరలించేందుకు భారత ప్రభుత్వం ఏర్పాట్లు చేస్తోంంది.
పూర్తిస్థాయిలో అమలు కాని కాల్పుల విరమణ
సూడాన్‌ 72 గంటల కాల్పుల విరమణ ప్రారంభమైన తరువాత భారత పౌరులను సురక్షితంగా ఆ దేశం నుంచి ఇండియాకు తరలించేందుకు ప్రయత్నిస్తున్నట్లు క్వాత్రా చెప్పారు. సుడాన్ ఆర్మీ, పారామిలిటరీ ర్యాపిడ్ సపోర్ట్ ఫోర్సెస్ మధ్య కొన్ని రోజులుగా భీకర పోరు నడుస్తోంది. అయితే తాజా సుడాన్ ఆర్మీ చీఫ్ జనరల్ అబ్దేల్ ఫత్తా అల్-బుర్హాన్, పారామిలిటరీ ర్యాపిడ్ సపోర్ట్ ఫోర్సెస్ నాయకత్వం వహిస్తున్న జనరల్ మొహమ్మద్ హమ్దాన్ డాగ్లో మధ్య సంధి కుదిరి 72 గంటల కాల్పుల విరమణ ప్రకటించారు. ఈ సమయంలోనే భారతీయులను తరలించేందుకు విదేశాంగ శాఖ ఏర్పాట్లు చేస్తోంది. సూడాన్‌లో కాల్పుల విరమణ పాక్షికంగా మాత్రమే అమవుతోంది. ఖార్టూమ్‌లోని కొన్ని ప్రాంతాల్లో చెదురుమదురు కాల్పులు జరిగినట్లు నివేదికలు వచ్చాయి.
ఈ టైమ్ లైన్ ని షేర్ చేయండి