Murder: గొంతు కోసి చంపాడు.. లివ్ ఇన్ రిలేషన్‌లో మరో హత్య
ఈ వార్తాకథనం ఏంటి
శ్రద్ధ వాకర్ ఘటన తర్వాత లివ్ ఇన్ రిలేషన్‌షిప్‌లు దారుణ ఘటనలు బయటపడుతూనే ఉన్నాయి. తాజాగా దిల్లీలో ఘాజీపూర్‌లో జరిగిన హత్య ఈ తరహా ఘటనకు మరో ఉదాహరణగా నిలిచింది.
ఘజియాబాద్‌లో ఓ నిర్జన ప్రదేశంలో సూట్‌కేస్‌లో కాలిపోయిన మృతదేహం పోలీసులు గుర్తించారు. ఘటనా స్థలంలో సాక్ష్యాల ఆధారంగా పోలీసులు కేసు నమోదు చేసి దర్యాప్తు ప్రారంభించారు.
తూర్పు ఢిల్లీ డీసీపీ అభిషేక్ ధనియా మీడియాకు వివరాలను వెల్లడించారు. మొదట మాకు ఎలాంటి ఆధారాలు లభించలేదని, సీసీటీవీ ఫుటేజ్‌ను స్కాన్ చేసి దర్యాప్తును ముందుకు తీసుకెళ్లామని తెలిపారు.
సీసీటీవీ ఆధారంగా ఓ హ్యుందాయ్ వెర్నా కారు ఆ ప్రాంతంలో కనిపించిందని గుర్తించారు.
Details
కార్ నెంబర్ ఆధారంగా గుర్తింపు
కార్ నెంబర్ ఆధారంగా లోనీ ప్రాంతంలోని ఓ వ్యక్తిని అన్వేషించారు. ఆ వ్యక్తి తన కారును అమిత్ తివారీ అనే వ్యక్తికి అమ్మినట్లు తెలిపారు.
సీసీటీవీ ఆధారంగా 22 ఏళ్ల అమిత్ తివారిని పోలీసులు అదుపులోకి తీసుకున్నారు. అమిత్ క్యాబ్ డ్రైవర్‌గా పనిచేస్తూ ఘజియాబాద్‌లో నివసిస్తున్నాడు.
అతడితో పాటు సీసీటీవీలో కనిపించిన అనుజ్ కుమార్ అనే వెల్డింగ్ మెకానిక్‌ను కూడా అదుపులోకి తీసుకున్నారు. విచారణలో అమిత్ ఆ మృతదేహం తన కజిన్ శిల్పా పాండే దేనిగా గుర్తించాడు.
అమిత్, శిల్పా గతేడాది కాలంగా లివ్ ఇన్ రిలేషన్‌షిప్‌లో ఉండేవారని, శిల్పా అతడితో వివాహం చేయాలని కోరగా అమిత్ ఆమెను వదిలిపెట్టేందుకు ప్రయత్నించినట్లు తెలిసింది.
Details
పోలీసులు అదుపులో ఇద్దరు నిందితులు
శనివారం రాత్రి మద్యం మత్తులో ఇద్దరి మధ్య తలెత్తిన గొడవ శిల్పా హత్యకు దారితీసింది. ఆవేశంలో అమిత్ ఆమె గొంతు కోసి చంపాడు.
శవాన్ని సూట్‌కేస్‌లో ప్యాక్ చేసి, తన స్నేహితుడు అనుజ్ సాయంతో నిర్జన ప్రదేశంలో పడేసి, డీజిల్ పోసి కాల్చినట్లు విచారణలో తేలింది.
మృతదేహాన్ని మొదట ఉత్తర్ ప్రదేశ్‌లో మారుమూల ప్రాంతంలో పడేయాలని అనుకున్నా, దానికి ముందు చెక్‌పోస్టులను దాటారు.
తర్వాత డీజిల్ కొని, ఘజియాబాద్ సమీపంలోని ఘాజీపూర్‌లో ఈ దారుణానికి పాల్పడ్డారు. శిల్పా తల్లిదండ్రులు సూరత్‌లో నివసిస్తున్నట్లు పోలీసుల దర్యాప్తులో వెల్లడైంది.
ప్రస్తుతం అమిత్, అనుజ్ ఇద్దరిని పోలీసులు అరెస్ట్ చేసి కేసును విచారిస్తున్నారు.