లోటస్ పాండ్ వద్ద హై టెన్షన్; మహిళా కానిస్టేబుల్ను చెంపదెబ్బ కొట్టిన షర్మిల
హైదరాబాద్లో టీఎస్పీఎస్సీ పేపర్ లీకేజీపై దర్యాప్తు చేస్తున్న ప్రత్యేక దర్యాప్తు బృందానికి వినతిపత్రం సమర్పించేందుకు వెళుతున్న వైఎస్ఆర్ తెలంగాణ పార్టీ అధినేత్రి వైఎస్ షర్మిలను ఆమె ఇంటి నుంచి బయటకు రాకుండా పోలీసులు సోమవారం అడ్డుకున్నారు. అయితే ఈ క్రమంలో షర్మిల పోలీసుల పట్ల కాస్త దురుసుగా ప్రవర్తించారు. దీంతో వైఎస్ షర్మిల ఇంటి (లోటస్ పాండ్) వద్ద ఉద్రిక్త పరిస్థితులు నెలకొన్నాయి. తనను ఎందుకు అరెస్టు చేస్తున్నారంటూ పోలీసులతో షర్మిల వాగ్వాదానికి దిగారు. ఇదే సమయంలో పోలీసు అధికారిని షర్మిల నెట్టేశారు. అనంతరం షర్మిలను అరెస్టు చేసేందుకు ఓ మహిళా కానిస్టేబుల్ ప్రయత్నించగా ఆమెను చెంపదెబ్బ కొట్టారు. ప్రస్తుతం ఈ వీడియోలు సోషల్ మీడియాలో వైరల్గా మారాయి.