Amaravati: అమరావతిలో తుది దశకు చేరిన జంగిల్ క్లియరెన్స్ పనులు
ఈ వార్తాకథనం ఏంటి
రాజధాని అమరావతిలో జంగిల్ క్లియరెన్స్ పనులు శరవేగంగా సాగుతున్నాయి.
ఆగస్టులో ప్రారంభమైన ఈ పనులు 24 వేల ఎకరాల్లో సుమారు రూ.36 కోట్ల వ్యయంతో చేపట్టారు.
ప్రస్తుతం ఈ పనుల పురోగతి 96 శాతం వరకు చేరుకుంది. భారీ వర్షాల కారణంగా కొద్దిరోజుల పాటు ఆటంకం ఏర్పడినా, కంప చెట్ల తొలగింపు ప్రక్రియ మళ్లీ వేగంగా కొనసాగుతోంది.
గుత్తేదారు సంస్థ ఎన్‌సీసీ ఈ పనులను 99 గ్రిడ్స్‌గా విభజించి, సుమారు 400 యంత్రాలను ఉపయోగించి నిర్వహిస్తున్నారు.
Details
హైదరాబాద్ నుంచి ఎనిమిది యంత్రాలు
తొలగించిన ముళ్ల చెట్లు త్వరలో ఎండిపోయాక కత్తిరించేందుకు ప్రత్యేకంగా హైదరాబాద్ నుంచి ఎనిమిది యంత్రాలను తీసుకురానున్నారు.
తరువాత ఈ చెట్ల ముక్కలను సిమెంట్‌ పరిశ్రమలు, విద్యుత్ ఉత్పత్తి కేంద్రాలకు తరలించేందుకు ఏర్పాట్లు చేస్తున్నారు.
వైసీసీ హయాంలో అడవిగా కనిపించిన ఈ రాజధాని నేడు రహదారులు, భవనాలతో చక్కగా రూపుదిద్దుకుంది.