పరారీలో బాలాసోర్ సిగ్నల్ ఇంజినీర్ అమీర్ ఖాన్.. ఇంటికి సీల్ వేసిన సీబీఐ అధికారులు
ఈ వార్తాకథనం ఏంటి
ఒడిశా రాష్ట్రంలోని బాలాసోర్ జిల్లా బహానగ రైల్వేస్టేషన్ సమీపంలో జరిగిన ఘోర రైలు ప్రమాదంపై దర్యాప్తు రోజుకో మలుపు తిరుగుతోంది. ఈ నేపథ్యంలోనే కీలకమైన అంశాలు బయటకు వస్తున్నాయి.
రైలు కదలికల్లో కీలకంగా వ్యవహరించే ఎలక్ట్రానిక్ ఇంటర్ లాకింగ్ సిస్టమ్‌లో మార్పులు చేర్పులు జరగడం వల్లే ఒడిశా రైలు ప్రమాదం జరిగిందని ఇప్పటికే రైల్వే అధికారులు తేల్చారు.
ఈ నేపథ్యంలోనే కేంద్ర దర్యాప్తు సంస్థ, సీబీఐ విచారణ చేస్తోంది. ఈ క్రమంలో కీలక రైల్వే అధికారి ఒకరు ఆచూకీ లేకుండాపోయారు.
ప్రాథమిక విచారణలో భాగంగా సోరో సెక్షన్ సిగ్నల్ జూనియర్ ఇంజినీర్ పై దర్యాప్తు అధికారులు తొలుత గుర్తు తెలియని ప్రాంతంలో ప్రశ్నల వర్షం కురిపించారు.
DETAILS
ఇంటికి వెళ్తే డోర్ లాక్ చేసుకుంది : సీబీఐ
బాలాసోర్ లోని ఓ కిరాయి ఇంట్లో సిగ్నల్ ఇంజినీర్ అమీర్ ఖాన్ కుటుంబం నివసిస్తోంది. ఈ క్రమంలోనే సీబీఐ అధికారులు మరోసారి విచారించేందుకు జేఈ ఇంటికి చేరుకున్నారు.
అక్కడికి వెళ్లిన అధికారులకు షాక్ తగిలింది. డోర్ లాక్ ఉండటంతో ఇంజినీర్ కుటుంబంతో సహా పరారీలో ఉన్నట్లు అధికారులు నిర్థారించారు. ఈ మేరకు ఇద్దరు అధికారులను నిఘా నిమిత్తం జేఈ ఇంటి వద్ద కాపాలాగా నియమించారు.
రైలు నిర్వహణ విషయంలో సిగ్నల్ ఇంజినీర్ల పాత్ర కీలకంగా ఉంటుంది. సిగ్నలింగ్ పరికరాల రిపేరింగ్, ట్రాక్ సర్క్యూట్లు, మెయిన్ టెయినెన్స్, పాయింట్ మెషిన్లు, ఇంటర్ లాకింగ్ సిస్టమ్స్ లాంటి వాటిని సిగ్నల్ ఇంజనీర్లే పర్యవేక్షిస్తారు.